officiallyintolerant

#49 I schwöre mir liebe Lesbäne

Tue, 25 Feb 2025 13:21:19 +0200

CN: Mir rede über d USA aso sehr sehr grossi Wahrnig

D Foug ligt wi ä guet griffte wii scho es zitli bi üs ume... aber mir hei üs zeme ghöcklet und ds gspräch füert üs über WTF i was füre zit läbe mir bis zu der Viola am Herd zu de Lesbäne ider Schwiz - churz und knapp. Enjoy!!

#48 officially intolerant us dr bärner meme chuchi!

Tue, 21 Jan 2025 11:30:17 +0200

E lang erhofti u fo üs ersehnti collab isch da! dr Podcast bärner meme chuchi u officially intolerant gönne öich es mash-up - 1 stund lang bärner podcast delikatesse, ungerangerem drüber was üs frustriert u wie mer drmit umgö!

Gniesset ds erläbnis!

#47: ds grosse Wahlspecial - queer Politics in Bern

Mon, 11 Nov 2024 06:00:00 +0200

Di 47igst foug fo officially intolerant isch da! u mir hei üs wiedermau richtig ids zügg gleit um öich Quality content zulifere. Dises mau aues zu queerer Politik ir Stadt Bärn: was hei Parteie gmacht bis itze? was hei si no vor? ds heimerse gfragt u iri antworte ghörsch hie! Ungerangerem mit Statements fo: JA!, GB, SP, JUSO, GFL, JGLP, GLP, Mitte u FDP.

Viu spass bim lose u gang ga wähle! (am beste dis Lieblings-podcast-duo)

#46 müde aber schon fasch wider regumäsissig

Mon, 14 Oct 2024 05:45:00 +0200

Ir nöiste foug officially intolerant gits wider mau es paar richtig töifi rabbitholes womer inegö - es paar si viellech scho chli euter aber geu, aui hei wi immer uf üsi meinig gwartet. Zudem gits es novum: e nöii Rubrik mitem name the queer agenda oder doch queer im Fokus? Wär ds nöiste us dr queere community wott ghöre lost am beste ab itz officially intolerant - dr podcast öiches vertroue für gossip u queere gschichte us aune zyte.

TW: Sexualisierte Gewalt, Missbrauch, Drogen, Alkohol.

#45 Fo travel princesses u angernä

Mon, 16 Sep 2024 05:30:00 +0200

Ir 45igste foug fo officially intolerant redä mir über different princesses: siges di nöiste (oder eutere) struggles bi princess charming oder über queer travel princesses. We de auso wosch wüsse was mir fo poly bi princess charming dänke u wieso queer si o ifluss uf reise het los ine!

#44 Pride, Club u Popp

Tue, 20 Aug 2024 04:55:00 +0200

Nach langer zyt mäude mir üs back! Mir redä über die langvergangeni Pride wo d Wanda vergässä het was passiert isch, gäbe iblick hinger d kulisse fore srf sändig (we never get enough) u touche ab ines kapitu vor trans gschicht: We du wosch wüsse wär d Monika Popp isch gsi u wie ires läbe üs hüt no prägt los i di nöisti foug fo officially intolerant!

#43 from couples to labels

Sun, 02 Jun 2024 23:00:00 +0200

WTF isch from couple to truople? aso sehr hot, aber was si d hottakes derzue... zudem hei mir üs am liechte und eifache thema labels ahgno

#42 Jojo did somthing bad

Mon, 22 Apr 2024 06:00:00 +0200

Nachem unakündigte mental helath break si d fred und wanda meh oder weniger ready wider back on track.

Noni klärt isch was mir mite christe Geschichte mache, aber es isch ä folg voller same sex mariage, homo ehe oder ehe für alle und emnä rant über wieso d jojo siwa ke queeri ikone isch.

PS: aui forderige nach nachem cancelling fo officially intolerant are valid.

#41 Di heiligi Ehe oder wieso dr Adam d Eva gschaffe het

Wed, 20 Mar 2024 10:46:21 +0200

Ir 41 foug widme mir üs am heilige Gral fo de Beziehige: Dr EHE. Wie ir Antike die usgleit isch worde, wieso d Katholike d Eheschliessig dür Sex läss gfunde hei u was d Reformatore aues agsteut hei ghörsch ir nöie foug. Zudem aus chlises topping: viu gueti, schlächti u schlächteri sex-jokes...

#40 Chum mit üs i Dschungel vom Valentienstag

Tue, 20 Feb 2024 11:46:33 +0200

TRIGGERWARNUNG: zwüsche minute 12 u 28 rede mir zimlich Intensiv über Mental Health u Suizid - lueg guet zu dir!

MIr versueche üs ja churz ds halte was am Afang guet klappt schiteret spätistens bi üsem Mental Health talk... Vor dem redemer über Taytay Rep TV und über ds Dschungelcamp u när luegemer no chli dr Valentienstag ah.

O-Töne

Taytay über Politik: https://www.youtube.com/shorts/y9mFnMfAKZc

Reel sound über Depressionä:

https://www.youtube.com/shorts/7fRAJTq9ovQ

#39 Stile und Reality TV WM

Mon, 29 Jan 2024 01:13:00 +0200

Bibi sprich Bianca isch bäck - aber was ischnomauu passiert?

Stile und das Geld: dr Fred verzeut üs meh zu de Stilische Highligths ir queerä Comunity

Mir si beidi kaputt aber mir gäbä auess

#38 what a year... and we are still QUEER!!

Mon, 08 Jan 2024 00:01:00 +0200

mit euch weimer chli uf üses podcast jahr zrügg luege.

mit wichtige frage:

wer vo euch het schomal ä podcast folg teilt?

wer het üsem podcast weniger sterne al 5 gä?

i was fürne sekte würd d wanda biträtte?

wie bereitet sich dr fred ufe podcast vor?

weles si d fav folge?

dir sit ufjedefall üses fav publikum!! machets euch bequem u machet es podcast wrapped mit üs <333

#37 Wiehnachte, Willy Wonka u queer cinema

Mon, 18 Dec 2023 06:15:00 +0200

Es wiehnächtelet! Ir 37gste und somit di dritte wiehnachtsfoug bringe mer üs i wiehnachtsstimmig: mir lö us vor Wanda ids Rabbithole Oliver Pocher und Timothee Chalamet entfüehre u redä aus follow up fo üsem tolle queersicht - interview über d gschicht fo queerem Fium. Auso fausdr queeri ungerhautig für es zu straights wiehnachte bruchet: bitte gärngsche!

Meh zu queerem fium findeter hie: https://rhizom.film/thema/1356

U e liste fo queere Fiume gits da: https://stacker.com/movies/history-lgbtq-representation-film

#36 Über fiumä, festä u Aktivismus: es Interview mit Queersicht

Mon, 27 Nov 2023 06:00:00 +0200

Mir hei bsuech! Für üsi erste interview-foug heimer mit Roberto vom Queersicht di 36igsti foug ufgno. Mir redä ungerangerem über queeri fiumä, was aues hinger some Queere fiumfestival steckt u inwiefärn ds Queersicht o e form fo queerem aktivismus isch. Das aues u viu me ghörsch ir 36igste foug!

Me zum Queersicht findisch unger: https://www.queersicht.ch/de/

U wedä wosch mithäufe bim Queersicht mäud di unger: mitarbeit@queersicht.ch

Für Feedback u me infos zu üsem Podcast: @officiallyintolerant uf Instagram.

#35 Antro Eso Eskalation u des alles wägem Rudolf

Tue, 07 Nov 2023 00:00:00 +0200

Öb ir Medizin, Landwirtschaft oder Pädagogik .... dr Rudolf weisses. Doch wer isch er und was chme so under dr vo ihm begründete Anthroposophie verstah? Ir traditionell chaotischer Manier gö dem dr Fred u d Wanda uf d Spur.

Bitte gib uf di Acht! I de Theorie vom Steiner wird ou sehr vil Feindlichkeit mittransportiert bsunders Antisemitismus, Rassismus, Queer- und Behindertefeindlichkeit.

#34 Identitätspolitik, Zahnjokes und lets go vote!

Tue, 17 Oct 2023 05:00:00 +0200

Ir 34 foug fo officially intolerant geits wi immer rund zue und här. Näbem nöiste Zahnupdate redä mer über d wahle fo dem wuchenendi und idenitätspolitik.

Bi Feedback oder Inputs schrib üs via Instagram oder a üsi Email: officialyintolerant@gmail.com

#33 Zwöi Jahr for the girls, the gays and the queers!

Mon, 25 Sep 2023 14:20:36 +0200

Officially Intolerant gits sit zwöi Jahr! Wanda u Fred luege zrügg uf zwöi jahr herti Arbeit: Was mir for ungerstützig fo üsne zuehörende haute, was du fürd Gay Agenda chasch mache oder wieso mir plötzlech i Autersheim wöi usgstraut wärde- aues ir 33igste foug fo officially intolerant. Zudem: officially Intolerant in Zahle, tops u flops u üsi merch-plän. by the way: mir sueche lüt wo bock uf designe hei für üse merch - hit us up!

PS: Gruessbotschafte chame itz gratis bir Wanda bsteue (Für Fred muessme zahle..)

#32 We are all born naked and the rest is? DRAG!

Mon, 14 Aug 2023 05:00:00 +0200

Ir #32igste foug fo officially intolerant: mir si nümm ällei. Drü tolli drag performer*inne verzeue üs im ENBY Splaining wieso drag immer no Protest isch - begleitet fore herstory lession. Für wholesome Statements gönnet nech Edingard, Bartli von Glitzer u Milky Diamond!

I Wandas Rabbithole müsse mer üs einisch me mit unagnähme Realität konfrontiere (Bye Lizzo) u lide (hello Kardashians...)

CN: Rassismus, Queerfeindlichkeit, Sexismus.

#31 lovestory&hatecrime kinda Gurte Edition

Mon, 24 Jul 2023 06:06:00 +0200

Wanda isch absolut Star druged u umso verletzter we dr Fred verzeut was aues schlimms passiert isch ufem Huusberg vo Bern. Grosses Taylor Swift anouncement, wie wird di konzert spannig euch hie im Podcast betreffe und akündigung vo gest*innen wo nüt dervo wüsse

Aso sehr vil heissi Luft usem neue Studio... sprich dr neue Wonig vom Fred

#30 Revolution, Anarchie und STREIK

Mon, 03 Jul 2023 10:44:45 +0200

Es isch hothothot und d Theme ou. Ds 30 Jubiläum wird glatt vergässe bi de diskusione zum Thema Stolzer Monat, Adequati Demoschildli und queere Anarchismus.

#29 Row-Zero, lyrisches Ich und queerä Widerstand

Mon, 12 Jun 2023 05:00:00 +0200

TW: Sexualisierte Gewalt, Vergewaltigung(-sdroge), Machtmissbrauch (zw. 4:30 - 41:00)

Ir 29igste foug gö mir ids Rabbithole Rammstein, redä ihri Row Zero und was das mit sexualisierter Gwaut ztüe het. Im ENBY Splaining gits glitzer, siuber u vorauem eis: queere Protest u widerstand!

Feedback gern über Instagram @officiallyintolerant oder per Email a officialy.intolerant@gmail.com

#28 Rächte Backlash, Neokonservatismus u Kulturkampf

Mon, 29 May 2023 05:00:00 +0200

TW: Rassismus, Queer- und insbesondere Transfeindlichkeit, Sexismus, Misogynie.

Ir 28igste foug fo officially intolerant widme mer üs dr cancel culture: genau u zwar am rächte backlash. Wieso rächti ist de 1960er inmne Kulturkampf stecke, was progressivi chräft mit dem ztüue hei u wi dä backlash ir schwiz aktuell usgset ghörsch ir nöiste foug!

Feedback gärn ah: officialy.intolerant@gmail.com oder über Instagram ah: @officiallyintolerant

#27 Chum mir luegä dr stärnehimu ah

Mon, 01 May 2023 09:46:10 +0200

TW: Transfindlechkeit

Ir nöiste foug fo Officially Intolerant wirds kosmisch: d wanda nimmt üs churz u knapp ines rabbithole for dütsche gsetzgäbig, öb muettersi u gebäre inhärent zunenang ghöre u wieso trans mönsche widermau agriffe wärde, mit.

Ir wäut fo de ENBY's verlüre mer üs i de stärne, planete u forauem: ir logik for astrologie. Über di besti esusbrügg zwüsche astrologie u astronomie, e gschichtlechi stärnewanderig u queeri astrologie rede mer üs einisch dürds stärnesystem.

#26 lovestory & hatecrime: Harry bricht Wandas Herz

Sun, 09 Apr 2023 23:00:00 +0200

Eigentlich ganz viu liebi aber am Schluss si mir nur no am hate!

Über ässe während em Festival bis zu break ups und mitemne chline haut ar we exist demo. Erwartet euch es Lebensupdate ganz im Sinn vore Bärg und Tal fahrt.

#25 Fründschafte, Studiere und Fiire

Mon, 03 Apr 2023 07:00:00 +0200

Was es Jubiläum, Wanda und Fred fiire sowou di 25 folg wie ou d abgab vo Wandas Bachlöörarbeit. Zu dem Alass regt sich d Wanda nomau gnüsslich übers Studiere uf, nid objektiv u mit vollem frust usem ändspurt vo dere Arbeit use.

Im Enbysplaining gits ä deepdive ids Thema queeri Bezihige. Dert werde di hunne grosse Theme was isch romantisch, was sexuell, fründ*inneschafte und partner*inneschafte nomau ufgrollt und ä queeri Perspektive druf besproche.

#24 Quarter Life Crisis u DSDS Beef

Mon, 06 Mar 2023 06:00:00 +0200

CN: Rassismus, Klassismus, Sexismus

Ir 24igste special - foug rede mer ungerangerem über Beef bi DSDS u wieso dr Dieter Bohlen e sexist isch. Im ENBY Splaining gits e therapie session zur Quarter Life crisis. Was das mit Rationalisierung u Neoliberalismus ztüe het ghörsch bir nöiste foug fo officially intorlerant!

#23 Deep down the rabbithole: online aktivismus, hogwarts legacy u militante veganismus

Mon, 27 Feb 2023 06:00:00 +0200

CN: Antisemitismus, Rassismus, Sexismus, Queer- und insbesondere Transfeindlichkeit.

Ir 23igste foug gömmer tief ines rabbithole, oder besser gseit zwöi. Was mir unger online aktivismus verstö, e chline talk zur J.K.Rowling und Hogwarts Legacy und wieso veganismus wichtig isch aber di militanti veganerin problematisch ghörsch wede inne losisch.

Zudem special announcement: nächst wuche chunt scho di nächsti foug (dismau wieder mit ENBY-Splaining)

#22 Fo Satanic panic u fäugleiteter Kapitalismuskritik a queere Beziehigsforme

Mon, 06 Feb 2023 06:00:00 +0200

CN: Antisemitismus, Queerfeindlechkeit, sexualisierti Gwaut u psychischi chrankheite.

Ir 22igste foug fo officially intolerant werde zwöi nöii kategorie igfüuert. I Wandas Rabbithole erfahreter aues über di nöiste Stories fo Instagram. I derä foug: weme polyamorie u offnigi beziehige aus kapitalistisch abstämplet u so gar nüt verstande hei. U im ENBY - Splaining redä mer über Satanic Panic, Verschwörigstheorie drhinger u was ds mit psychologischer Betröiig ztüe het.

#21 Fo queer of the year u anderi highlights usem 2022

Mon, 16 Jan 2023 06:00:00 +0200

Ir erstä foug fom 2023 widme sech Wanda u Fred mau no chli am 2022 - e guete jahresabschluss darf nie fähle. Was üse Skandau of the year isch gsi, was näbe Officially Intolerant ir Podcastwäut 2022 nid darf fähle u dr mood of the year ghöreter ir nöie foug!

CN: Mir bespräche transfindlechkeit sowie (sexuelli) übergriffe im Rahme fo princess charming

#20 Queer ir schuu: Ufklärig, Outing u vieles mee

Tue, 29 Nov 2022 06:00:00 +0200

Ir 20igste foug (somit es chlises jubiläum) widme mir üs am thema queerness ir schu.

Fo existenter oder nid uffindbarer ufklärig, outing stories u pouseplatz getratsche: Wanda u Fred share knowledge u stories.

#19 Bezihige: DAS ENDE

Mon, 07 Nov 2022 15:28:12 +0200

Mir kennes aui das ominöse Ende: Heartbreak, Liebeskummer, Herzschmerz.

MIr zwöi bezihigs Pandas troue üs anes Thema wo üs eig ufe erst Blick fern ligt. Nachem erbittende Frage vo üsere Comunity heimir üs aber dem Thema agnoh.

Zwüsche seubstoffebarige und wizeleie findet dir üsi tipps und gedanke zum Thema "liebeskummer".

#18Hesch ds richtige mindset oder bruchsch e coach?

Tue, 18 Oct 2022 06:00:00 +0300

Zuelose, dis innere potentiau fürehole, dini blueme zum blüehe bringe - tönt guet oder nid? Coaching verspricht viu, seit viu aber was steckt eigentlech drhinter? Ir nöischte foug fo officially intolerant chöi Wanda u Fred ändlech au iri coaching gschichte usela.

#17 lovestory&hatecrime: community, schuuu und klassekampf

Mon, 26 Sep 2022 17:30:00 +0300

Dr Fred isch iz scho gnueg lang weg damit er üs übersee lovstrys und hatecrimes schuldet.

Vil chlini anektotene und lovestorys wo sölle vo de shitterige Sache vo dere Welt ablenke. Nebe de technischestörige dörft dir euch aso über di chline freude vor Wanda und em Fred fröie. Glichitig wei mir haut eig ou ä klassekampf. Aso wimes im Land wo dr Fred ged isch würd säge: have fun!

#16 Pick up aus Kunst oder doch eher eifach fragili Männlechkeit

Tue, 06 Sep 2022 06:00:00 +0300

Casnova, Don Juan oder doch eher es beta - männchen? Was Pick up Artists so misogyn macht, wieso d INCEL's o drzue ghöre u was so crazy isch a de USA ghörsch ir erste transnationale foug fo officially intolerant.

#15 Bezihige: Bisch ifersüchtig oder was?

Tue, 16 Aug 2022 07:00:00 +0300

Officially intolerant chunt mitere ganz nöie rubrik: sigs beef bi princess charming oder uf instagram - immer brandaktuell (mit mängisch chlei verspätig).

Zudem ir 15te foug: Ifersucht und niid - was ungerscheidets u gits so öppis wi toxischi oder gueti ifersucht?

#14 Princess Charming, Abtribige u angers gschmöis

Mon, 25 Jul 2022 06:00:00 +0300

Mit chli verspätig widmet sech Officially Intolerant ono de Entwicklige rund ums Abtribigsrächt i de USA u redet (mit tolle Off-Kommentär vor Wanda) über die nöii Staffle Princess Charming!

#13 Beziehige: Fründschaftsbiuder

Mon, 30 May 2022 06:00:00 +0300

Was dänke mir überhoupt über Fründschaft?

Clichées über sogenannti Froue u Männerfründschafte, wie Kapitalismus e Roue spiut u wi hert sones Frünschaftsbreak - Up cha si ghöreter ir nöie foug fo officially intolerant!

#12 lovestorie&hatecrime: ds grosse Bashing

Mon, 09 May 2022 06:00:00 +0300

Die 12 foug fo officially intolerant isch da! Wiedermau e foug fo öichere lieblingsreihe: Lovestory & Hatecrime! Dieses mau mit viu, sehr sehr viu rante. Über schlächti Ko-Tropfe Witze, über d'Pride u natürlech: übere Cypher...

Ab und an wird one chlini lovestory droppt aber machetnech gfasst uf 60 Minute hate und Intoleranz!

#11 Ig passe - oder nid?

Mon, 18 Apr 2022 06:00:00 +0300

I derä vou geits widermau oder viellech zerstä mau so richtig um queer Identity. Läbe queers angers u wenn wott me aus queer gläse wärde u wenn muess me sini queerness verstecke?

Das u no e chline exkurs zu schönheitsops ir 11 foug fo officially intolerant!

#10 Beziehige: Basics

Mon, 21 Mar 2022 00:00:00 +0300

zum halb Jahresjubiläum und officielle Füeligsstart wird ä neui mini seri gstartet. Darum starte mir mau ü düe chli über Bezihige schnacken u di wichtige frage derzue beantworte.

#9 Das isch FETT: Was isch scho ä gsunde Körper?

Mon, 28 Feb 2022 07:00:00 +0300

Wie scho lang akündet: Üsi foug zu körper u gsundheit isch da!

Jedä körper isch angers - oder öppe nid? Wi dick_fetti körpere über ei kamm gsträut wärde, d medizin nur ei lösig kennt u wieso di ominösi säubstverantwortig immer mitschwingt ghöreter ir nöie foug fo officially intolerant!

TW: Esstörungen / Clichées über Dick_Fette Personen

#8 lovestory&hatecrime: Paartherapie

Mon, 07 Feb 2022 00:00:00 +0200

Ds Update wo mir alli bruche s aber ni gwüsst hei.

D ups and downs vo de Podcaststärnli Wanda und Fred. Zmitst ide sogennante Freie rede si über stress, strit u härzensmomente. sowohl im digitale wi ou im analoge Ruum.

#7 Das isch FETT: Es isch mau e Afang.

Mon, 17 Jan 2022 06:00:00 +0200

Euche lieblingspodcast isch back mitemne FETTE Geschenk nämmlich üsere Serie: "Das isch FETT"

I dere Serie bespricht dr Fred u d Wanda Themene wo mitem Körper ztüe het.

I der erste follg vo dere erfolgsserie geits um sprachlechi basics, körpere u gsundheit sowie intersektionali bedütig fo körpere. Me drzue i de wittere fouge for Serie: Das isch FETT!

#6 Bliblablu: Mir due Alkehol trinke

Mon, 27 Dec 2021 00:00:00 +0200

Ir letste Folg vom erfolgriche Podcastjahr gits nid nur Glüewii sondern ou spiccy Storys über ds betrunke si- oder ou eif ds chotze.

Es werde zum ändi vom Jahr die wichtige Frage Klärt wie: wele Wodka d Wanda isch u öb dr Fred si Status als wiisammler verdient het.

Tschüüsli u bis nächts Jahr (lol kinda BOoommer)

#5 Butybuty: wie mir so schön si worde

Mon, 06 Dec 2021 00:00:00 +0200

Wiso innerischönheit scheisse isch, wi mir zum Schminke si cho, was metrosexuell isch und wär Kleopatra vo hüt isch.

Ds u viuviuviu meh versueche Wanda u Fred ds beantworte

by the way üsi schön gschminkte Faces findsch uf Insat @officiallyintolerant

#4 Dating: Tipps und Tricks fo öichne Datingqueens!

Mon, 15 Nov 2021 08:00:00 +0200

Wanda und Fred teilä ihri richhautige Tipps und Tricks us dr Datingchiste. Wieso Smalltalk di absoluti höchstnote 6 für Dates bechunnt, lüt usem Militär a Dates zahle u was di drü Grundvorussetzige fürds Dating si - aus ds ghöreter ir viertä Foug fo Officially Intolerant!

#3 Terf und Super Straight: wie Queerfeindlich mä so cha si

Mon, 25 Oct 2021 09:41:02 +0300

TW: Queerfeidlichkeit insbesondere Transfeindlich und es bizzli Rassismus

Fred und Wanda beschäftige sich hüt mit zwöi ungerschidliche u doch sehr ähnliche Themene.

Zum eine mitere "feministische" Gruppierig wo mä i üseere Bubble ou aus TERFs (Trans Exklusiv Radical Feminism) kennt. Die Gruppe und iri definition vo Feminismus unterscheidet sich sehr mitem verständnis vo Fred und Wanda darum si si sehr intolerant dergege.

Zum Andere jodoch nid weniger Transfeindlich geits witer mit der "sexuelleorientierig" Super Straight. Öb das ächt ä legitimi Sexuelliorientierig isch? u wieme des vilich chli gschickter chönt formuliere gits hie ir brand aktuelle Folg.

#2 Trääsh TV: Ungerhaltig uf Choste vo Andere

Mon, 11 Oct 2021 01:10:28 +0300

TW: Diskriminierige ungerangerem Dick_Fettfeindlichkeit und Klassismus

Disklamer: vo öppe minute 5 bis minute 30 knisterets so komisch, we are sorry!!

Dr Fred und Wanda rede über di gulty plessure vo quasi aune vo üs. Ds lineare Fernseh isch voll derfo und es isch ide Latschheftli ds Thema numero uno: Reality TV.

Vo zu hot bis zu bigest loser di Sändige hei verschideni Gsichter und verschidenigi problematike, sicher isch nid aues belüchtet aber vil agsproche.

#1 lovestory&hatecrime: tattoos und anderi boustelle

Mon, 20 Sep 2021 13:43:30 +0300

TW: antisemitischi Zeiche werde besproche.

I dr erste folge rede d Wanda u dr Fred locker flockig im laber-format "Lovestory & Hatecrime" über high und down ligths us irne läbe. Übere struggle vom erste Tattoo bis zu de Demos wird alles sehr subiejktiv besproche und bewertet.