ekerk Boodskap | Die Podcast

Hoop is moeiliker as geduld

Mon, 01 Jun 2026 16:50:47 +0200

Geduld wag vir iets om te verander. Hoop hou aan glo, selfs wanneer niks nog verander het nie. Daarom is hoop soms moeiliker as geduld.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons nadink oor hoe God ons leer om nie net te wag nie, maar om met hoop te leef in die middel van onsekerheid, wagtyd en vrae.

#eKerk #Boodskap

DIE STORIES | Gesprek met Helen Lotz | Môrester Kinderhuis

Mon, 01 Jun 2026 16:00:00 +0200

Welkom by 𝗲𝗞𝗲𝗿𝗸 𝗡𝗼𝗼𝗱 - 𝗗𝗶𝗲 𝗦𝘁𝗼𝗿𝗶𝗲𝘀 In hierdie episode gesels ons met 𝗛𝗲𝗹𝗲𝗻 𝗟𝗼𝘁𝘇 van 𝗠ô𝗿𝗲𝘀𝘁𝗲𝗿 𝗞𝗶𝗻𝗱𝗲𝗿𝗵𝘂𝗶𝘀 in Rustenburg. Helen is al 24 jaar aan stuur van sake by die kinderhuis. Op die oomblik ontvang die kinderhuis geen subsidies vanaf die staat nie. Helen kyk na 12 kinders vanuit haar eie sak. Luister saam na die stories van hoop wat Helen in haar leefwêreld ten spyte van soveel uitdagings beleef. Luister en word geïnspireer. Indien jy enigsins betrokke wil raak, kontak Helen by 082 460 8418 #ekerk #ekerknood #moresterkinderhuis

Wat les jou dors?

Mon, 25 May 2026 09:25:25 +0200

Ons almal dors na iets. Betekenis. Rus. Aanvaarding. Hoop. Maar baie dinge belowe vervulling sonder om ons werklik te versadig.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons nadink oor die diep dors van die menslike hart, en hoe Jesus ons nooi na die enigste water wat werklik lewe gee.

[ PINKSTER ] Leef naby en leef anders

Wed, 20 May 2026 19:30:00 +0200

Hierdie Pinkster nooi ons jou om saam stil te word, te bid en opnuut te ontdek hoe die Heilige Gees gewone mense verander, dra en stuur. Wanneer ons bid binne die kragveld van die Gees, begin God ons harte, ons ritmes en ons lewens nuut vorm. Kom reis saam deur vier byeenkomste waar ons nadink oor geloof, gebed en ’n lewe naby aan God:

Woensdag 20 Mei | 19:00. 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 "Leef naby en leef anders"

Kom beleef saam hoe God ons deur Sy Gees nader trek, nuwe moed gee en ons leer om anders te leef.

[ PINKSTER ] Bid kragvol en dankvol

Tue, 19 May 2026 19:30:00 +0200

Dinsdag 19 Mei | 19:00. 𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 "Bid kragvol en dankvol"

Woensdag 20 Mei | 19:00. Pierre Engelbrecht "Leef naby en leef anders"

Kom beleef saam hoe God ons deur Sy Gees nader trek, nuwe moed gee en ons leer om anders te leef.

[ PINKSTER ] Hou aan klop en hou aan glo

Mon, 18 May 2026 19:30:00 +0200

Maandag 18 Mei | 19:00. 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 "Hou aan klop en hou aan glo"

Dinsdag 19 Mei | 19:00. Stephan Joubert "Bid kragvol en dankvol"

Woensdag 20 Mei | 19:00. Pierre Engelbrecht "Leef naby en leef anders"

Kom beleef saam hoe God ons deur Sy Gees nader trek, nuwe moed gee en ons leer om anders te leef.

[ PINKSTER ] Van geestelike dreiger tot geestelike kryger

Mon, 18 May 2026 08:52:49 +0200

Sondag 17 Mei | 09:00. 𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 "Van geestelike dreiger tot geestelike kryger"

Maandag 18 Mei | 19:00. Pierre Engelbrecht "Hou aan klop en hou aan glo"

Dinsdag 19 Mei | 19:00. Stephan Joubert "Bid kragvol en dankvol"

Woensdag 20 Mei | 19:00. Pierre Engelbrecht "Leef naby en leef anders"

Kom beleef saam hoe God ons deur Sy Gees nader trek, nuwe moed gee en ons leer om anders te leef.

[ HEMELVAART ] Wanneer alles begin sin maak

Thu, 14 May 2026 19:00:00 +0200

Partykeer voel die lewe gefragmenteerd. Gebeure, vrae en pyn maak nie altyd onmiddellik sin nie. Maar met 𝗛𝗲𝗺𝗲𝗹𝘃𝗮𝗮𝗿𝘁 kyk ons opnuut na Jesus se verhoging en ontdek hoe God besig is om alles saam te trek in Sy groter verhaal.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons nadink oor hoe Jesus se Hemelvaart nuwe perspektief, hoop en betekenis bring.

Hoe lyk geloof wat dieper gaan?

Mon, 11 May 2026 09:26:25 +0200

Partykeer reageer ons vinnig op Jesus. Ons raak opgewonde, emosioneel of geïnspireer. Maar Johannes wys vir ons dat geloof dieper gaan as ’n oomblik se reaksie.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons ontdek wat dit beteken om nie net in Jesus geïnteresseerd te wees nie, maar om Hom werklik te vertrou en deur Hom gevorm te word.

#eKerk #Boodskap

Jesus onderbreek Sy dagboek vir my ook

Mon, 04 May 2026 13:58:05 +0200

Ons dink soms ons is net nog ’n inskrywing in die dag. Maar Jesus sien anders. Hy stop, Hy luister, Hy gee aandag. Wat beteken dit dat Jesus sy pad onderbreek, ook vir jou?

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons ontdek hoe Jesus ons raaksien in die middel van die gewone, en hoe Hy ons ontmoet op maniere wat ons nie verwag nie.

Ons vier ook saam 𝗻𝗮𝗴𝗺𝗮𝗮𝗹. Dit is ’n heilige oomblik waar ons onthou, ontvang en weer opnuut leef uit God se genade.

DIE STORIES | Gesprek met Marina Brink | Feed the Future

Mon, 04 May 2026 13:50:00 +0200

Welkom by 𝗲𝗞𝗲𝗿𝗸 𝗡𝗼𝗼𝗱 - 𝗗𝗶𝗲 𝗦𝘁𝗼𝗿𝗶𝗲𝘀 In hierdie episode gesels ons met 𝗠𝗮𝗿𝗶𝗻𝗮 𝗕𝗿𝗶𝗻𝗸 van 𝗙𝗲𝗲𝗱 𝗧𝗵𝗲 𝗙𝘂𝘁𝘂𝗿𝗲, 'n organisasie wat dit op die hart dra dat geen kind honger gaan slaap nie. Marina deel openhartig oor Feed Our Future se werk in gemeenskappe, hul volhoubare voedselprojekte en vertel die stories wat elke dag in haar leefwêreld afspeel. Luister, leer, en word geïnspireer. Besoek www.feedthefuture.co.za om betrokke te raak. Kontak Marina gerus by: 082 430 8102 #ekerk #ekerknood #feedourfuture

Wat soek jy eintlik by Jesus?

Tue, 28 Apr 2026 09:11:45 +0200

Ons kom almal na Jesus toe met iets in ons harte: vrae, behoeftes, verwagtinge. Maar wat soek ons regtig by Hom?

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons om eerlik te kyk na ons diepste soeke en te ontdek hoe Jesus ons ontmoet, vorm en uitnooi na iets groter as wat ons self verwag.

Kom kuier saam.

#eKerk #Boodskap

Van verkeerd val tot regopstaan in God

Mon, 20 Apr 2026 08:44:22 +0200

Ons almal struikel soms, maak foute, val verkeerd en verloor rigting. Maar God los ons nie daar nie. Hy tel op, herstel en help ons om weer regop te staan.

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons ontdek hoe God ons dra deur ons val en ons vorm tot mense wat weer kan opstaan en vorentoe leef. Kom kuier saam.

Agter geslote deure

Mon, 13 Apr 2026 08:26:24 +0200

Soms leef ons agter geslote deure. Vasgevang in vrees, onsekerheid of twyfel. Tog is dit juis dáár waar Jesus inkom… nie afgeskrik deur ons grense nie, maar naby, teenwoordig en vol vrede.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons ontdek hoe Jesus ons ontmoet agter ons geslote deure en nuwe lewe en hoop bring. Kom kuier saam.

DIE STORIES | Gesprek met Jaco Strydom | Echo Youth

Wed, 08 Apr 2026 06:00:00 +0200

Welkom by eKerk Nood - Die Stories.

In hierdie episode gesels ons met Jaco Strydom van Echo Youth, 'n organisasie wat al 25 jaar met moeilikheid besig is. Moeilikheid is hul besigheid, en besigheid is booming. Jaco deel eerlik oor Echo Youth se unieke gemeenskapsmodel, hul plaasprojek en die kinders wie se lewens verander het toe iemand besluit het om te bly. Want elke kind het iemand nodig, nie net iets nie. Luister, leer, en word geïnspireer.

Besoek www.echoyouth.co.za om betrokke te raak.

Kontak Jaco gerus by: jacostrydom@icloud.com / 084 477 7123

#ekerk #ekerknood #echo

Opstanding: Ons sien vir Jesus!

Sun, 05 Apr 2026 10:00:00 +0200

Op Opstandingsondag kyk ons weer, en hierdie keer sien ons nie net die kruis nie, maar die leë graf. Ons sien Jesus… lewendig, oorwinnaar, en naby aan ons.

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 nooi ons om die vreugde, hoop en nuwe lewe van die opstanding opnuut te ontdek. Kom kuier saam en vier die lewe wat Jesus bring!

Goeie Vrydag: Ons sien vir Jesus...

Fri, 03 Apr 2026 10:00:00 +0200

Op Goeie Vrydag staan ons stil by die kruis, en ons kyk weer. Nie net na wat gebeur het nie, maar na Wie daar hang. Ons sien Jesus… Sy liefde, Sy lyding, Sy oorgawe vir ons.

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 nooi ons om stadiger te kyk, dieper te sien en die betekenis van die kruis opnuut te ontdek. Kom kuier saam en laat God jou hart aanraak in hierdie heilige oomblik.

Moenie die kortpad vat nie

Mon, 30 Mar 2026 07:15:21 +0200

Ons leef in ’n wêreld wat vinnige oplossings en maklike uitweë soek. Maar God se pad is dikwels nie die kortpad nie. Dit is die pad wat vorm, verdiep en ware lewe bring.

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons ontdek hoekom die pad saam met Jesus nie altyd die maklikste is nie, maar altyd die regte een.

#eKerk #Boodskap

Vier dae te laat

Mon, 23 Mar 2026 07:40:11 +0200

Soms voel dit asof God te laat opdaag. Asof die deur al toegemaak het en hoop al verdwyn het. Maar juis daar wys die evangelie vir ons dat God se tyd anders werk as ons s’n.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons ontdek hoe God selfs in oomblikke wat vir ons te laat voel, nuwe lewe en hoop bring.

#eKerk #Boodskap

Die gevaarlikste woorde in die Bybel: “Ons weet”

Mon, 16 Mar 2026 08:09:59 +0200

Soms dink ons ons verstaan alles klaar. Ons weet mos. Maar juis daar kan geloof begin stagneer. Wat gebeur wanneer God ons uitnooi om weer met oop oë, nederigheid en nuuskierigheid na Hom te luister?

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons nadink oor hoe die woorde “ons weet” soms ons harte kan sluit vir wat God nog vir ons wil wys.

Ek leef 'dankvinderig' voor God

Mon, 09 Mar 2026 08:23:02 +0200

Dankbaarheid is meer as net ’n gevoel, dit is ’n manier van leef. Wat gebeur wanneer ons nie net dankbaar voel nie, maar doelbewus begin leef as mense wat God se goedheid raaksien en vier?

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons ontdek hoe ’n “dankvinderige” hart ons perspektief verander en ons nader aan God se vreugde bring. Kom kuier saam by ons eKerk Boodskap.

Waag dit al die pad tot in God se hart

Tue, 03 Mar 2026 07:22:23 +0200

God nooi ons nie om op ’n afstand te bly nie, maar om nader te kom. Om te waag om diep in Sy teenwoordigheid in te stap. 𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 lei ons om weer te ontdek hoe gebed, oorgawe en vertroue ons al die pad tot in God se hart bring.

Die maklike pad… en hoekom Jesus dit nie vat nie

Sun, 22 Feb 2026 10:03:00 +0200

Ons leef in ’n wêreld wat die vinnigste, maklikste uitweg soek. Maar Jesus kies dikwels ’n ander pad. Een wat dieper gaan, meer vra en ware lewe bring.

Kom kuier saam met 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 by eKerk Lewendig, waar ons ontdek hoekom Jesus nie die maklike pad vat nie… en wat dit vir ons eie geloofsreis beteken.

Loop, val en klim na Jesus toe

Mon, 16 Feb 2026 08:04:26 +0200

Ons geloofspad is nie altyd reguit nie. Soms stap ons sterk, soms struikel ons, en soms moet ons weer opstaan. Maar Jesus bly die Een na wie ons kan terugkeer, elke keer weer.

Kom kuier saam met 𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 by eKerk, waar ons ontdek hoe God ons dra deur elke stap, elke val en elke nuwe begin op pad na Jesus toe.

Kan mense God proe as hulle jou ontmoet?

Mon, 09 Feb 2026 07:33:02 +0200

Wat bly by mense agter wanneer hulle by jou wegstap? Nie net wat jy sê of glo nie, maar wat hulle ervaar.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons nadink oor hoe ’n lewe naby aan God ’n geur, ’n smaak, ’n lig word wat ander kan aanvoel en beleef. Ons staan stil by Psalm 15 en Matteus 5:13–17 en ontdek hoe God se teenwoordigheid deur gewone mense sigbaar en tasbaar word.

Kom kuier saam as eKerk-familie.

As ek vir God net een ding kan vra

Mon, 02 Feb 2026 08:52:38 +0200

As jy net een versoek voor God kon bring, wat sou dit wees?

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 nooi ons om stil te raak by hierdie eerlike vraag en te ontdek wat dit openbaar oor ons harte, ons begeertes en ons verhouding met God.

Soms lê die diepte van gebed nie in baie woorde nie, maar in een egte verlange. Kom kuier saam by eKerk en laat God jou hart vorm in hierdie eenvoudige, maar diep boodskap.

[ WEEK VAN GEBED ] Bid totdat ek voel soos Jesus | Stephan Joubert

Wed, 28 Jan 2026 19:30:00 +0200

Hoe voel Jesus? Hy is vol medelye, vreugde en hoop wanneer mense tuiskom.

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 nooi ons om eerlik te kyk na ons emosies in gebed, en hoe gebed ons harte stadig maar seker gelyk laat klop met Jesus s’n.

[ WEEK VAN GEBED ] Wanneer gebed begin loop | Pierre Engelbrecht

Tue, 27 Jan 2026 19:30:00 +0200

Ware gebed bly nie by woorde nie, dit begin beweeg.

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 wys ons hoe gebed ’n lewe vorm wat optree, omgee en doen. Gebed eindig nie by “Amen” nie; dit begin daar.

[ WEEK VAN GEBED ] Een ding wat nodig is oor gebed | Stephan Joubert

Mon, 26 Jan 2026 19:30:00 +0200

In ’n wêreld vol afleiding vra Jesus ’n eenvoudige, maar radikale vraag: Wat is regtig nodig?

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons ontdek hoe gebed begin by die regte postuur. Om by Jesus se voete tot rus te kom en betekenis by Hom te vind.

[ WEEK VAN GEBED ] Kom soos jy is | Pierre Engelbrecht

Mon, 26 Jan 2026 07:46:22 +0200

Gebed begin nie by wat ons doen of regkry nie, maar by Jesus se uitnodiging: “Kom na My toe.”

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 herinner ons dat gebed nie die plek is waar ons onsself reg bid nie, maar waar ons tot rus kom by God, onsself laat vind en leef uit Sy genade en teenwoordigheid.

Ken God se plan met jou, eerder as jou eie planne | Stephan Joubert

Mon, 19 Jan 2026 08:04:47 +0200

Ons begin dikwels ’n nuwe seisoen met hope, drome en netjiese planne. Maar wat gebeur wanneer God ons nooi om eers Sy plan te leer ken? Selfs wanneer dit ons eie planne uitdaag?

𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩 help ons nadink oor vertroue, oorgawe en die vryheid wat kom wanneer ons God se plan vir ons lewe leer ken bo ons eie.

#eKerk #Boodskap

Waarmee is jy besig? Jesus se rigting vir 2026 | Pierre Engelbrecht

Wed, 14 Jan 2026 08:12:46 +0200

Aan die begin van ’n nuwe jaar vra Jesus ’n eenvoudige, maar diep vraag: Waarmee is jy besig? Wat rig jou tyd, jou energie, jou aandag?

Kom kuier saam met 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩, waar ons saam ontdek hoe Jesus ons nooi om 2026 te leef met duidelike rigting, goddelike dringendheid en ’n fokus wat regtig saak maak.

#eKerk #eKerkLewendig #Boodskap

Nie my pad nie, maar God S’n gaan wen in 2026 | Stephan Joubert

Mon, 05 Jan 2026 17:47:23 +0200

Aan die begin van ’n nuwe jaar staan ons almal voor keuses, planne en verwagtinge. Maar wat gebeur wanneer ons ons eie paaie oopmaak vir God se pad? Selfs wanneer dit anders lyk as wat ons beplan het?

Stephan Joubert ons help nadink oor oorgawe, vertroue en hoop vir 2026, en hoe God se pad uiteindelik altyd die pad van lewe is.

#eKerk #eKerkLewendig #Boodskap

Wegwysers vir 2026 | Stephan Joubert

Wed, 31 Dec 2025 09:00:00 +0200

Op die drumpel van ’n nuwe jaar het ons almal iets nodig om ons te help rigting kry: God se wysheid, God se stem, God se wegwysers.

#eKerk #eKerkLewendig #Preek #Nuwejaar

Hierdie preek is nie vir jou bedoel nie | Stephan Joubert

Sun, 28 Dec 2025 10:10:00 +0200

Soms verras Jesus ons juis wanneer ons dink ’n boodskap is vir “ander mense” bedoel. Wat as God jou juis in dié oomblik wil aanraak, uitdaag of bemoedig?

In die boodskap neem Stephan Joubert ons op ’n reis om te ontdek hoe God se Woord ons op onverwagte maniere vind. Selfs wanneer ons dink dit gaan nie oor ons nie.

#eKerk #eKerkLewendig #Preek

As God self Sy hande vuil maak | Pierre Engelbrecht

Thu, 25 Dec 2025 10:00:00 +0200

Met Kersfees vier ons die ondenkbare: die God van die hemel klim in ons wereld in. Nie op afstand nie, maar met Sy hande vuil, daar waar mense leef, huil, hoop en sukkel.

Hierdie Kersdag ontdek ons saam hoe God se koms na die krip wys dat Hy naby is… nie bang vir ons gebrokenheid nie… en aktief betrokke in ons wêreld.

Kuier saam met Pierre Engelbrecht, waar ons die diep betekenis van Jesus se menswording vier.

#eKerk #eKerkLewendig #Preek #Kersdag

Kersfees is ’n interessante tyd | Johan Beukes

Sun, 21 Dec 2025 10:00:00 +0200

Kersfees bring elke jaar ’n unieke mengsel van vreugde, herinneringe, verwagting en soms ook spanning. Dit is inderdaad ’n interessante tyd. En juis dáár ontmoet God ons.

Kom kuier saam met Johan Beukes, waar ons ontdek hoe God in hierdie seisoen werk op maniere wat ons dikwels miskyk.

#eKerk #eKerkLewendig #Preek

Lewe tussen die reeds en nog nie | Pierre Engelbrecht

Sun, 14 Dec 2025 10:00:00 +0200

Ons leef elke dag in daardie heilige spanning: God het reeds begin werk in ons, maar Sy volmaakte nuwe wêreld is nog nie ten volle hier nie. Hoe leef ons getrou, hoopvol en vol geloof in hierdie tussenruimte?

Kuier saam met Pierre Engelbrecht, waar ons saam ontdek hoe God ons vorm in die “reeds” en ons dra in die “nog nie.”

#eKerk #eKerkLewendig #Preek

Jesus, meer as net my Verlosser | Stephan Joubert

Mon, 08 Dec 2025 08:42:24 +0200

Ons het verlede Sondag saam gekyk hoe om goed te doen soos God. Maar wie is die Een wat ons verander, lei en dra?
Hierdie week ontdek ons dat Jesus meer as net ons Verlosser is.

Kuier saam met Stephan Joubert, waar ons saam nadink oor wat dit beteken wanneer Jesus nie net verlos nie, maar alles in ons lewe word.

#eKerk #eKerkLewendig #Preek

Doen soos God, doen goed! | Stephan Joubert

Mon, 01 Dec 2025 07:11:20 +0200

God roep ons nie net om te glo nie, maar om goed te doen. Om Sy hart vir mense sigbaar te maak in elke dag se keuses en klein gebare.

Kuier saam met Stephan Joubert by eKerk, waar ons ontdek hoe om God se karakter na te leef in ’n wêreld wat honger is vir ware goedheid.

Vannag of vandag: kies reg! | Stephan Joubert

Mon, 24 Nov 2025 09:28:46 +0200

Ons almal ken daardie oomblikke waar ons uitstel, twyfel, of wag vir “môre.” Maar wat as God ons nooi om vandag te kies, te leef, te gehoorsaam? Kom kuier saam met 𝙎𝙩𝙚𝙥𝙝𝙖𝙣 𝙅𝙤𝙪𝙗𝙚𝙧𝙩, waar hy ons help ontdek hoe God ons roep om nie eendag nie, maar nou reg te kies! Reg te kies in geloof, in liefde, in gehoorsaamheid. #eKerk #eKerkLewendig #Preek

BYBELSKOOL Deel 3 | Die Gees stuur en lei die kerk

Wed, 19 Nov 2025 19:30:00 +0200

Die Gees vul waar jy leegloop: ’n Reis deur Handelinge

Voel jou tenk leeg teen die einde van die jaar? Kom ontdek saam met Pierre Engelbrecht hoe die boek Handelinge wys dat God se Gees ons vul en lei.

Datums: Woensdae 5, 12 & 19 November

Sessie 1: Die Gees begin die storie
Sessie 2: Die Gees breek grense oop
Sessie 3: Die Gees stuur en lei die kerk

Almal is welkom!

#eKerk #eKerkLewendig #Bybelskool

Neem my lewe, Heer | Stephan Joubert

Sun, 16 Nov 2025 10:09:03 +0200

Kom kuier saam met Stephan Joubert Sondag oggend by eKerk, waar ons ontdek hoe hierdie eenvoudige gebed ons hele lewe kan verander.

#eKerk #eKerkLewendig #Preek

BYBELSKOOL Deel 2 | Die Gees breek grense oop

Wed, 12 Nov 2025 19:30:00 +0200

Die Gees vul waar jy leegloop: ’n Reis deur Handelinge

Voel jou tenk leeg teen die einde van die jaar? Kom ontdek saam met Pierre Engelbrecht hoe die boek Handelinge wys dat God se Gees ons vul en lei.

Datums: Woensdae 5, 12 & 19 November

Sessie 1: Die Gees begin die storie
Sessie 2: Die Gees breek grense oop
Sessie 3: Die Gees stuur en lei die kerk

Almal is welkom!

#eKerk #eKerkLewendig #Bybelskool

Hoe meet God Sy mense? | Pierre Engelbrecht

Sun, 09 Nov 2025 10:00:00 +0200

Hoe meet God Sy mense? Ons het verlede Sondag gekyk hoe God se spons groter as ons skale is. Maar hoe kyk God dan na ons? Hoe meet God ons?

Kuier saam met Pierre Engelbrecht waar ons kuier rondom 1 Samuel 16:1-13 en Efesiërs 2:10 wat ons nooi om na hierdie vraag te kyk.
Kom kuier saam Sondag, 9 November by eKerk.
#eKerk #eKerkLewendig #Preek

BYBELSKOOL Deel 1 | Die Gees begin die storie

Wed, 05 Nov 2025 19:30:00 +0200

Die Gees vul waar jy leegloop: ’n Reis deur Handelinge

Voel jou tenk leeg teen die einde van die jaar? Kom ontdek saam met Pierre Engelbrecht hoe die boek Handelinge wys dat God se Gees ons vul en lei.

Datums: Woensdae 5, 12 & 19 November

Sessie 1: Die Gees begin die storie
Sessie 2: Die Gees breek grense oop
Sessie 3: Die Gees stuur en lei die kerk

Almal is welkom!

#eKerk #eKerkLewendig #Bybelskool

God se spons is groter as jou skaal | Pierre Engelbrecht

Mon, 03 Nov 2025 06:26:50 +0200

God se spons is groter as jou skaal. Ons leef met soveel skale: prestasie, vergelyking, skuld en skaamte.

Kom kuier saam met 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 waar ons kuier rondom Psalm 103 wat ons nooi na ’n ander beeld: God hou nie ’n skaal nie, maar ’n spons. Ontmoet die God wat nie weeg nie, maar skoonvee. #eKerk #eKerkLewendig #Preek

Jy het 'n lewensdoel: Jesus s'n | Stephan Joubert

Sun, 26 Oct 2025 15:34:55 +0200

Stephan Joubert deel die Woord met die tema: “Jy het ’n lewensdoel: Jesus s’n.” Moenie hierdie geleentheid mis nie. Almal is welkom!

#eKerk #ekerklewendig #preek #stephanjoubert

Skuif jou kyk, jou dink en doen: Godwaarts! | Stephan Joubert

Mon, 20 Oct 2025 10:50:44 +0200

Stephan Joubert deel die Woord met die tema: “Skuif jou kyk, jou dink en doen: Godwaarts!”

Moenie hierdie geleentheid mis nie! Almal is welkom! Kom ervaar saam hoe God se Woord ons lewens verander.

As valse sekerheid jou godsdiens word | Pierre Engelbrecht

Sun, 12 Oct 2025 09:00:00 +0200

Wat gebeur as dit waarop jy jou sekerheid bou, jou eintlik mislei?
Pierre Engelbrecht gesels met ons oor: “As valse sekerheid jou godsdiens word”

Kom luister hoe God ons roep na ’n geloof wat standhoudend is – nie gebou op illusies nie, maar op Christus alleen.

#eKerk #eKerkLewendig #Preek #PierreEngelbrecht

Reg onderweg tot by die wederkoms | Stephan Joubert

Wed, 08 Oct 2025 11:32:13 +0200

Stephan Joubert deel God se Woord met die tema: “Reg onderweg tot by die wederkoms” #eKerk #eKerkLewendig #Preek #Stephan Joubert

Groter as jou grootste gemors | Pierre Engelbrecht

Mon, 29 Sep 2025 16:31:01 +0200

Het jy ook al gevoel jou lewe is ’n gemors? Druk van werk. Finansies wat knyp. Verhoudings wat pla. Selfs jou eie gedagtes wat jou nie los nie …

Die goeie nuus: jou gemors is nooit die laaste woord nie en jy word nie afgeskryf agv jou gemors nie.

Kom kuier saam met Pierre Engelbrecht waar ons saam kyk hoe God se genade altyd groter is as jou grootste gemors. Jy hoef nie eers jou gemors weg te steek nie – God ontmoet jou presies in jou gemors.

#EkerkLewendig #GroterAsJouGrootsteGemors

Hoop loop – reg of weg. Maak jou keuse! | Stephan Joubert

Mon, 22 Sep 2025 08:11:44 +0200

Ons nooi jou as deel van die eKerk familie na ons eKerk Lewendig Preek – want God leef en Sy Woord bring lewe! Ons saam met Stephan Joubert oor sy tema: “Hoop loop – reg of weg. Maak jou keuse!” Almal is welkom – sien jou aanlyn!

God lei jou nie uit die wêreld nie, maar in die wêreld | Pierre Engelbrecht

Sun, 14 Sep 2025 09:00:00 +0200

Ons dink soms God se leiding beteken Hy haal ons uit ons uitdagings uit. In Handelinge 16 wys Lukas vir ons dat God ons lei in ons wêreld – in ons werk, gesin, ekonomie en konteks – en gebruik ons juis daar vir verandering. Vir Sy verandering!

Kom ontdek hoe die Gees jou lewe kan lei in die wêreld waar jy elke dag leef.

#EkerkLewendig #Preek #GodLeiInJouWêreld

Doen wat G.O.A.T. doen - Fokus op Jesus | Stephan Joubert

Mon, 08 Sep 2025 08:30:56 +0200

Ons kuier saam met Stephan Joubert rondom sy tema: "Doen wat G.O.A.T. doen - Fokus op Jesus" eKerk Lewendig, omdat Jesus lewendig is en die Bybel lewe bring. Tydens hierdie geleentheid gesels ons saam oor hoe ons hierdie waarheid uitleef vanuit die Bybel. #eKerk #eKerkLewendig #Preek

God se “pin drops” vir jou geloofslewe | Pierre Engelbrecht

Mon, 01 Sep 2025 08:37:44 +0200

Het jy al gevoel jou lewe is ’n bietjie van die pad af? Kom ontdek hoe God se “pin drops” in Jakobus 1 jou geloofslewe weer op koers kan bring.

Pierre Engelbrecht deel ’n praktiese boodskap wat jy nie wil mis nie. Kom kuier saam en kry nuwe rigting vir jou geloofspad.

#eKerkLewendig #PinDrops #Jakobus1

Bekommernis is lewensgevaarlik | Stephan Joubert

Mon, 25 Aug 2025 08:41:44 +0200

Luister saam na Stephan Joubert en ontdek uit die Bybel hoe God ons roep na ’n ander manier van leef. 'n Lewe met minder vrees en meer rus. #eKerk #eKerkLewendig #bekommernis

[ BYBELSKOOL ] Vergeet of nie - jou geheue of jou geloof? Deel 2 | Stephan Joubert

Wed, 20 Aug 2025 19:00:00 +0200

Hoe speel jou geheue in op jou geloof? Wat moet ons onthou – en wat moet ons dalk leer om te vergeet? Sluit aan by twee diep en eerlike aande saam met Stephan Joubert by eKerk Lewendig se Bybelskool.

#eKerkLewendig #Bybelskool #StephanJoubert #GeloofEnGeheue

Die ryk dwaas | Johan Beukes

Sun, 17 Aug 2025 09:00:00 +0200

Welkom! Vandag kyk ons na die bekende verhaal van die ryk boer uit Lukas 12. Hy was 'n man wat in die wêreld se oë suksesvol en finansieel slim was.

Maar Jesus se oordeel skok: Hy noem hom 'n dwaas!
Hoekom? Die antwoord is nie wat jy dink nie. Dit is baie dieper as dit.

Luister en ontdek die dieper betekenis van hierdie verhaal vir jou eie lewe!

[ BYBELSKOOL ] Vergeet of nie - jou geheue of jou geloof? Deel 1 | Stephan Joubert

Wed, 13 Aug 2025 19:00:00 +0200

Hoe speel jou geheue in op jou geloof? Wat moet ons onthou en wat moet ons dalk leer om te vergeet? Sluit aan by twee diep en eerlike aande saam met Stephan Joubert by eKerk Lewendig se Bybelskool.

#eKerkLewendig #Bybelskool #StephanJoubert #GeloofEnGeheue

Impuls of Intensie: Wysheid bo die kortpad | Pierre Engelbrecht

Mon, 11 Aug 2025 14:42:37 +0200

In ’n wêreld van onmiddellike bevrediging en vinnige kortpaaie, roep Jakobus ons terug na wysheid, karakter en ’n stadiger, dieper geloofsreis. Moet ek net doen wat ek voel? Of is daar ’n ander pad — een van intensie en volharding?

Wat doen jy met daardie impuls ná ’n lang dag? Of daardie lus vir beheer, vir beter voel, vir erkenning?

Kom kuier saam rondom die Bybel waar Pierre Engelbrecht vir ons help hoe om die teiken van God se wil nie te mis nie.

#eKerkLewendig

Bekeer baie keer, want God is genadig | Stephan Joubert

Sun, 03 Aug 2025 17:49:27 +0200

Kuier saam as eKerk-familie vir 'n preek deur Stephan Joubert! Sy tema, "Bekeer baie keer, want God is genadig", herinner ons aan die onmeetlike genade van God!

#eKerk #genade #Preek

Kyk soos Jesus. Leef soos Jesus in die regte lewe | Stephan Joubert

Mon, 28 Jul 2025 09:13:51 +0200

Hoe kyk jy na jou wêreld?

Kom ontdek wat dit beteken om te kyk soos Jesus en te leef soos Hy — in die regte lewe, met al sy uitdagings.

Stephan Joubert is aan die woord met die tema: "Kyk soos Jesus. Leef soos Jesus in die regte lewe." Jy’s welkom soos jy is — ons reis saam.

#eKerkLewendig #LeefSoosJesus

God se goedheid vloei deur ons | Pierre Engelbrecht

Mon, 21 Jul 2025 08:50:25 +0200

Jy het al genoeg gesien van 'n wêreld wat rou is. Wat as God se goedheid regtig deur mense soos ek en jy wil vloei? Kom kuier saam met Pierre Engelbrecht tydens ons eKerk Lewendig Preek en kom hoor hoe God jou nie net verander nie, maar jou ’n draer van Sy goedheid maak – in jou werk, vriende, gesin en elke gewone dag.

Moenie klets en “kwebbel” nie. Bid reg! | Stephan Joubert

Mon, 14 Jul 2025 08:30:57 +0200

Is jou gebede net nog een item op jou to-dolys? Of raak jy regtig stil genoeg om met God te praat – en Hom te hoor? Kuier saam met Stephan Joubert en hoor hoe gebed méér as woorde is. Dis nie kletsery met God nie.

Kruis bo kultuur – want relevansie red nie | Pierre Engelbrecht

Sun, 06 Jul 2025 19:20:33 +0200

Kruis bo kultuur: Relevansie mag aanpas… maar net Christus red.

In ’n wêreld waar almal jou vertel hoe om te lyk, praat, leef en glo – wys Paulus vir ons iets radikaal anders: Die kruis van Christus is nie ’n byvoeging tot jou styl nie, dit’s die begin van ’n nuwe skepping.

Pierre Engelbrecht preek by eKerk Lewendig en nooi jou uit om saam te ontdek wat dit beteken om as gelowige nie net kultureel relevant nie, maar geestelik geanker te leef.

#eKerkLewendig #KruisboKultuur

Die kruis - daar is my huis. Daar is my nuwe volk | Stephan Joubert

Mon, 30 Jun 2025 09:01:46 +0200

Die kruis – daar is my huis. Daar is my nuwe volk.

Stephan Joubert neem ons op ’n reis na die hart van ons geloof: die kruis.

Dis nie net ’n simbool van lyding nie – dis die plek waar ons nuwe identiteit begin. Waar ’n nuwe volk gevorm word.

#eKerkLewendig #KruisIsMyHuis #NuweVolk

Geloof se lig is nie 'n las nie | Pierre Engelbrecht

Mon, 23 Jun 2025 08:30:32 +0200

Dalk is jy moeg, want jy dra dinge wat nie joune is nie. In Galasiërs 6 wys Paulus ons die pad na ware geestelike lig:

Help die wat val — maar met sagtheid.
Dra mekaar se seerkry — nie mekaar se verantwoordelikhede nie.
Leef die liefde — maar moenie iemand anders se geloofslewe oorvat nie.

Ons kuier saam met Pierre Engelbrecht vanuit Galasiërs 6:1-10 en ontdek ons hoe om lig te wees vir die wêreld, sonder om onder die las van ander se lewens ineen te stort.

Verander jou binnepraat voor God… dan verander jy | Stephan Joubert

Tue, 17 Jun 2025 09:09:50 +0200

Wat sê jy vir jouself… en wat sê God? Jy praat elke dag met jouself. Maar is daardie binnepraat waar, liefdevol… of vernietigend? Kom kuier saam met Stephan Joubert rondom die Bybel waar hy praat die oggend oor: "Verander jou binnepraat voor God… dan verander jy" Kom ontdek hoe jou innerlike gesprekke jou uiterlike lewe vorm…

Florerende Lewe ná Jesus | Johan Beukes

Sun, 08 Jun 2025 09:00:00 +0200

Wat beteken dit regtig om 'n vol en vry lewe te leef ná jy Jesus leer ken het?

Kom kuier saam met Johan Beukes waar hy uit Johannes 14:23–30 oor die Florerende Lewe ná Jesus — ’n lewe wat diep gewortel is in liefde, vrede en teenwoordigheid gesels.

Kom kuier saam as eKerk-familie.

#FlorendeLewe #eKerkLewendig

God vra nie meer as Jesus nie | Pierre Engebrecht

Mon, 02 Jun 2025 08:16:09 +0200

Voel jy soms of jy steeds iets aan God moet bewys? Asof jy meer moet doen, beter moet glo, harder moet probeer? Kom hoor die bevrydende waarheid uit Galasiërs 3: 22-26 en 4:1–7 waar Pierre Engelbrecht preek oor: “God vra nie meer as Jesus nie” Kom ontdek wat dit beteken om vry te leef as God se geliefde kind.

[ HEMELVAART ] U Woord is my wegkruipplek en rigtingwyser | Pierre Engelbrecht

Thu, 29 May 2025 18:30:00 +0200