Besta platan

#0282 Nýdönsk – Himnasending

Fri, 05 Jun 2026 00:01:00 +0000

Popptónlist 9. áratugarins var af mörgum talin yfirborðskennd, einnota og vélræn. Það var því sannkölluð „himnasending“ að fá Nýdönsk fram á sjónarsviðið undir lok eitísins. Tónlistin var vönduð, listræn og leitandi. Grípandi án þess að vera eitthvað blöðrupopp. Fullorðna fólkið var mætt í partíið.

#0280 Faith No More – Angel Dust

Fri, 22 May 2026 00:01:00 +0000

Ein merkasta jaðarþungarokkssveit allra tíma, Faith No More, er á borði Bestu plötunnar þessa vikuna. Sitt sýnist hverjum um uppsöfnuð afrek hennar og voru umræðurnar fróðlegar svo ekki sé meira sagt!

#0278 Angine de Poitrine – Vol. II

Fri, 08 May 2026 00:01:00 +0000

Doppóttu míkrótónal-gosarnir í Angine de Poitrine voru óþekkt stærð í upphafi árs. Rúmum mánuði síðar voru þeir á allra vörum — og hæpið stendur enn yfir. En er eitthvað í þessu?

Taktu þátt í umræðunni á Besta platan - Umræðuhópur.
Styddu við Bestu plötuna, komdu í áskrift á Patreon og fáðu tvöfalt fleiri þætti.

#0277 Frímínútur – Björgvin Halldórsson (1951 - 2026)

Fri, 01 May 2026 00:01:00 +0000

Í þessum þætti heiðrum við minningu hins eina sanna Björgvins Halldórssonar sem varð bráðkvaddur á heimili sínu í Hafnarfirði þann 9. apríl síðastliðinn. Blessuð sé minning þessa risa íslenskrar dægurtónlistar.

#0276 Nick Drake – Pink Moon

Fri, 24 Apr 2026 00:01:00 +0000

Nick Drake lést langt fyrir aldur fram, hafandi ekki hugmynd um þau áhrif sem stuttur tónlistarferill hans myndi hafa á fjölmargar kynslóðir á eftir honum. Þriðja og síðasta platan hans, Pink Moon frá 1972, er sú besta.

Athugið að í þessum þætti er fjallað um sjálfsvíg. Ef einstaklingar glíma við sjálfsvígshugsanir er bent á hjálparsíma Rauða krossins 1717 og netspjall Rauða krossins á 1717.is.

#0275 Killing Joke – Night Time

Fri, 17 Apr 2026 00:01:00 +0000

Killing Joke er ein ógurlegasta síðpönksveit sögunnar, algerlega einstök mætti segja, og áhrifarík fyrir allan peninginn. Að velja hina poppuðu „Night Time“ sem bestu plötuna mun strjúka einhverjum öfugt en gefum BP-liðum færi á að útskýra sitt mál (doktornum aðallega).

#0274 Frímínútur – Tónleikatryllingur

Fri, 03 Apr 2026 00:01:00 +0000

Það er hægt að hjakka endalaust í einhverjum plötum, en að þessu sinni ákváðu þáttastjórnendur að rifja upp bestu tónleika sem þeir hafa sótt. Þrír topp-5 listar og ekkert rugl. Gleðilega páska!

#0273 Lenny Kravitz – Mama Said

Fri, 27 Mar 2026 00:01:00 +0000

Lenny Kravitz er ekki bara tónlistarmaður, hann er einslags fyrirbæri, menningarlegt skurðgoð, rokkið holdið klætt og bætið endilega við lýsingum eftir smekk. Hann toppaði hljóðversplötulega séð á annarri plötu sinni, Mama Said, en það má sosum deila um það val og það er nákvæmlega það sem við erum að fara að gera.

#0272 Phil Collins – No Jacket Required

Fri, 20 Mar 2026 00:01:00 +0000

Platan No Jacket Required frá 1985 átti stóran þátt í því að gera Phil Collins að einni allra holdugustu poppskepnu 10. áratugarins. Hún er jafnframt sú besta frá Phil.

#0271 Frímínútur – „Animal“ Andy

Fri, 13 Mar 2026 00:01:00 +0000

Í þættinum um Wham!/George Michael bærðust vangaveltur um það hvort að eina sólóplata hins helmings dúettsins, Andrew Ridgeley (Son of Albert, 1990), væri mögulega það besta sem hafi komið frá Wham! meðlimi í sólóefnum. Ákveðið var, þá og þar, að gera rannsókn á málinu og hún skilaði sér í þessum þætti. Varúð: Farið inn á eigin ábyrgð.

#0270 Mastodon – Leviathan

Fri, 06 Mar 2026 00:01:00 +0000

Atlanta-sveitin Mastodon þvertekur fyrir það að vera kölluð þungarokkssveit, en er þrátt fyrir það eftirlæti margra er kenna sig við metalinn. Við förum í saumana á þessu ferlíki í þætti vikunnar.

#0269 Spice Girls – Spice

Fri, 27 Feb 2026 00:01:00 +0000

Trúir því einhver að einungis Bítlarnir skáka Spice Girls hvað ýmsan árangur í vinældalistaklifri varðar? Eftir miðjan tíunda áratuginn kom þessi stúlknasveit inn í poppheima sem stormsveipur og næstu ár voru undirlögð af æði sem aldrei hafði áður sést - nema kannski í tilfelli Bítlaæðisins. Hér verður farið yfir þessa hluti alla auk þess sem doktorinn stillir frumburði Kryddpíanna fram sem þeirra besta árangri á breiðskífusviðinu.

#0268 Pet Shop Boys – Behaviour

Fri, 20 Feb 2026 00:01:00 +0000

Rafdúettinn Pet Shop Boys hefur selt meira en 100 milljón plötur á heimsvísu, en þeirra gjöfulasta tímabil var níundi áratugurinn. Þar var hins vegar ekki fyrr en árið 1990 sem þeir sendu frá sér sína bestu plötu, hina angurværu Behaviour.

#0267 Aerosmith – Toys in the Attic

Fri, 13 Feb 2026 00:01:00 +0000

Aerosmith er ein algerasta rokksveit sem heimurinn hefur séð. Sukkið, melódíurnar, riffin, fötin, frægðarflug, niðurbrot og upprisa, þetta er allt þarna. Doktorinn telur bandið hafa toppað á þriðju plötu sinni, Toys in the Attic (1975), en félagar hans tóku þeirri niðurstöðu ekki þegjandi.

#0266 Frímínútur – Besta Besta platan II: Hlustendaval

Fri, 06 Feb 2026 00:01:00 +0000

Í beinu framhaldi af síðustu Frímínútum, þá leyfðum við hlustendum að velja bestu plötuna af öllum þeim sem við höfum fjallað um í gegnum tíðina. Í þessum þætti gerum við þetta upp.

#0265 Frímínútur – Besta Besta platan

Fri, 26 Dec 2025 00:01:00 +0000

Frá því að fyrsti þátturinn fór í loftið haustið 2019 hafa um 220 plötur hlotið titilinn „Besta platan“. En hver af þessum plötum er raunverulega best?

#0264 Wham!/George Michael – Faith

Fri, 19 Dec 2025 00:01:00 +0000

George Michael var eitt mesta poppstirni heims, satt og sannað og það með löggildum pappírum. Í þættinum gerum við úttekt á mögnuðum ferli þessa mikla meistara og kippum poppbrjálæðinu Wham! einnig um borð þegar við metum hámarksárangur meistarans á plötugerðarsviðinu.

#0263 Devo – Oh, No! It's Devo

Fri, 12 Dec 2025 00:01:00 +0000

Artí og ögrandi? Kjánalegt grall? Undur með einn smell? Undir hvaða hatt er best að setja Devo?

#0262 Robbie Williams – I've Been Expecting You

Fri, 12 Sep 2025 00:01:00 +0000

Robbie Williams er vægast sagt skrautlegur náungi. En er eitthvað varið í þessa músík?

#0261 Tool – Ænima

Fri, 05 Sep 2025 00:01:00 +0000

Gáfumannaþungarokk Tool náði hæstu hæðum tiltölulega fljótt eða á annarri plötunni, Ænima (1996). Um það má hins vegar deila og var slíkt gert í tólf tíma þætti, gerðum til að endurspegla lengd laga Tool og tímann sem sveitin tekur í það að gera plötur. Djók.

#0260 Frímínútur – Bless, Ozzy

Fri, 29 Aug 2025 00:01:00 +0000

Það kom aldrei annað til greina en að staldra við stærstu tónlistarfrétt síðustu ára — andlát eins af helstu arkitektum þungarokksins: Ozzy Osbourne.

#0259 Frimínútur – Gestaglanninn

Fri, 20 Jun 2025 00:01:00 +0000

Við opnuðum fyrir neyðarlínu Bestu plötunnar og fengum myndarlegan haug af vafasömum tónlistarskoðunum frá hlustendum. Við reyndum að dæma engan, en sumt er reyndar svo yfirmáta heimskulegt að það dæmir sig sjálft.

#0258 Madness – One Step Beyond

Fri, 13 Jun 2025 00:01:00 +0000

Besta plata æringjanna í Madness er þeirra fyrsta, One Step Beyond (1979). Samt er það ekki alveg svo einfalt því að snemma kom í ljós að grín er ekkert glens …

#0257 Gojira – From Mars to Sirius

Fri, 06 Jun 2025 00:01:00 +0000

Gojira eru nefstórir, croissant-étandi flagarar, sem fengu leið á því að traðka á vínberjum og stofnuðu þess í stað grjótharða þungarokkshljómsveit sem nýtur virðingar um alla veröld. Þriðja plata sveitarinnar, From Mars to Sirius frá 2005, er sú besta.

#0256 Frímínútur – Vídeó

Fri, 16 May 2025 00:01:00 +0000

Gullöld tónlistarmyndbandanna hófst í upphafi 9. áratugar síðustu aldar og sér vart fyrir endann á henni, nærri hálfri öld síðar. Þríeykið knáa rýnir í þetta stórmerkilega fyrirbæri og að sjálfsögðu var settur saman topplisti.

#0255 Ragga Gísla – Ragga and the Jack Magic Orchestra

Fri, 09 May 2025 00:01:00 +0000

Það lágu áskoranir jafnt sem yndislegheit í því að kafa ofan í stórmerkilegan feril Ragnhildar Gísladóttur, þessarar stórmerku dívu og drottningar. Plötu er stillt fram sem þeirri „bestu“ en málið er sannarlega flóknara en svo …

#0254 Kim Larsen – 231045-0637

Fri, 02 May 2025 00:01:00 +0000

Kim Larsen er vinsælasti tónlistarmaður Danmerkur frá upphafi, eða eins og Danir segja: „Hann er spilaður þegar þú fæðist, þegar þú giftir þig og þegar þú deyrð“. Platan 231045-0637 frá árinu 1979, eða „kennitöluplatan“ eins og hún er oft kölluð, er hans besta að mati Hauks, en hvað segja meðstjórnendur?

#0253 Frímínútur – Glannalegar yfirlýsingar

Fri, 18 Apr 2025 00:01:00 +0000

Í þætti þessum koma þáttastjórnendur fram með öndverðar skoðanir á því sem pöpullinn telur vera gott og gilt. Svæsin rönt, fáránlegar söguskoðanir og djörf sundtök mót hörðum straumi hins viðtekna.

#0252 Eminem – The Marshall Mathers LP

Fri, 11 Apr 2025 00:01:00 +0000

Bleiknefjar riðu ekki feitum hesti frá rapptilraunum sínum á fyrstu tveimur áratugum hiphopsins, að Skepnubræðrum undanskildum kannski. En í lok 10. áratugarins spratt Eminem fram á sjónarsviðið og það var ekki annað hægt en að taka hann alvarlega. The Marshall Mathers LP frá árinu 2000 er almennt talin hans besta verk — og hún er það svo sannarlega.

#0251 Wire – 154

Fri, 04 Apr 2025 00:01:00 +0000

Hin mjög svo enska Wire er með áhrifamestu síðpönkssveitum. Dr. Arnar stillir þriðju plötu hennar, 154 (1979), fram sem hápunkti hennar. Og hefst svo lestur …

#0250 Frímínútur – Snekkjurokk

Fri, 28 Mar 2025 00:01:00 +0000

Hvað er snekkjurokk? Hverjir spila það? Hvað koma Steely Dan málinu við? Er það svalt, hallærislegt eða hvað? Og af hverju er Michael McDonald svona mikill dúllubossi? Svör við öllu þessu er að finna í þætti vikunnar sem er jafnframt 250. þáttur hlaðvarpsins!🚢🥳

#0249 Machine Head – Burn My Eyes

Fri, 21 Mar 2025 00:01:00 +0000

Machine Head lentu í mikilli tilvistarkreppu á „númetal-árunum“, en það getur enginn tekið frumburð þeirra, Burn My Eyes frá 1994, frá þeim, enda ein af lykilplötum næntís þungarokksins.

#0248 Frímínútur – Knús í hús

Fri, 14 Mar 2025 00:01:00 +0000

„Hjartaknúsarinn“ er merkilegt fyrirbæri í tónlistarsögunni. Sætur, tilfinningaríkur maður, oft íklæddur smóking eða fallegri peysu. Ekkert endilega sérstaklega graður, en alltaf gjörsamlega að farast úr ást. Við veltum þessu fyrir okkur í þætti vikunnar.

#0247 Yoko Ono – Fly

Fri, 07 Mar 2025 00:01:00 +0000

Yoko Ono hefur sinnt margháttaðri starfsemi á langri ævi, m.a. tónlistargerð. Sá þáttur reis hæst árið 1971 með hinni framsæknu Fly. BP-liðar fóru yfir feril Yoko í funheitum þætti.

#0246 Toto – Toto

Fri, 28 Feb 2025 00:01:00 +0000

„Rönnið“ sem Toto átti á árunum 1978–1982 á sér fáar hliðstæður. Fyrsta platan, sem er samnefnd sveitinni, er kannski ekki heilsteyptust, en hún er áberandi best. Því heldur Haukur a.m.k. fram.

#0245 Frímínútur - Framúrskarandi ferilsræs

Fri, 21 Feb 2025 00:01:00 +0000

Það getur skipt öllu fyrir feril tónlistarfólks að byrja fyrstu útgefnu breiðskífuna með vel heppnuðu, eftirminnilegu lagi. En hvernig ber fólk sig að í þeim fræðunum? Að því munum við komast upp úr miðnætti.

#0244 White Zombie – La Sexorcisto: Devil Music Volume One

Fri, 14 Feb 2025 00:01:00 +0000

White Zombie er mögulega „unglingalegasta“ hljómsveit allra tíma. En hversu vel eldist músíkin?

#0243 Prefab Sprout - Steve McQueen

Fri, 07 Feb 2025 00:01:00 +0000

Tókst Paddy McAloon að knýja fram eina bestu poppplötu allra tíma með sveit sinni Prefab Sprout árið 1985? Og er Steve McQueen virkilega það meistaraverk sem fólk segir það vera? Og er McAloon virkilega frá Norðymbralandi, gengur við staf í dag og með galdramannalegra útlit en sjálfur Merlin? Einhverju af þessu verður svarað í þætti vikunnar. #0242 Pink Floyd - The Piper At the Gates of Dawn

#0242 Pink Floyd - The Piper At the Gates of Dawn

Fri, 20 Dec 2024 00:01:00 +0000

BP-tríóið glímdi við eitt stærsta nafn rokksögunnar í þessum þætti. Margt að ræða, margt að kanna enda hafa fáar sveitir náð að magna upp jafn mikla költaðdáun og Pink Floyd, költaðdáun sem liggur á furðu breiðu sviði. Við vorum glúrnir félagarnir enda fráleitt einhverjir múrsteinar í litlausum vegg!

#0241 Frímínútur – Rokk í Reykjavík

Fri, 13 Dec 2024 00:01:00 +0000

Þessi merka og mjög svo áhrifaríka heimildarmynd Friðriks Þórs Friðrikssonar frá 1982 var skoðuð í krók og kima af BP-liðum í innblásnum frímínútum!

#0240 NOFX – Punk in Drublic

Fri, 06 Dec 2024 00:01:00 +0000

Ólátabelgirnir í NOFX gáfu út 16 hljóðversbreiðskífur á ferlinum, en það er erfitt að færa rök fyrir því að drengirnir hafi nokkurn tímann toppað meistaraverkið Punk in Drublic frá 1994, sem verður til umfjöllunar í þætti vikunnar.

#0239 Frímínútur – Vínyll

Fri, 29 Nov 2024 00:01:00 +0000

Svarta gullið. Hvað veldur því að þetta form tónlistarafspilunar nær langt út fyrir hreina praktík (eða jafnvel ópraktík) og þeytir upp gleði, ástríðu og jafnvel sturlun hjá þeim sem það dýrka? Við skoðum vínyl og vínylsöfnum frá öllum hliðum í þessum þætti.

#0238 The White Stripes – De Stijl

Fri, 22 Nov 2024 00:01:00 +0000

The White Stripes áttu sinn þátt í að lækna heiminn af númetal-þynnkunni. Haukur er á því að De Stijl sé besta platan þeirra, en er eitthvað til í því?

#0237 Mannakorn – Í gegnum tíðina

Fri, 15 Nov 2024 00:01:00 +0000

Besta plata Mannakorna er önnur hljóðversskífa hennar, Í gegnum tíðina, sem út kom árið 1977. Sjö af tíu lögum plötunnar hafa verið útvarpsslagarar frá degi eitt að heita og platan var ekki einu sinni dæmd á sínum tíma!

#0236 Frímínútur –Vendipunktar

Fri, 11 Oct 2024 00:01:00 +0000

Við ákváðum að flækja Frímínúturnar ekki neitt og spjölluðum um lögin sem „breyttu lífi okkar“ á einhvern hátt. Þrír gamlir menn, 15 mis-gömul lög og glimrandi frísklegar umræður.

#0235 System of a Down ~ System of a Down

Fri, 04 Oct 2024 00:01:00 +0000

Grallararnir frá Glendale spruttu fram á sjónarsviðið í miðri númetalbylgju og slógu rækilega í gegn. System of a Down smellpassaði einhvern veginn í hópinn, þó færa megi ágæt rök fyrir því að tónlistin sé alls enginn númetall.

#0234 Jeff Buckley – Grace

Fri, 27 Sep 2024 00:01:00 +0000

Jeff heitnum Buckley auðnaðist bara að gefa út eina breiðskífu á meðan hann lifði en áhrif hennar eru rík og mikil og aukast á milli ára ef eitthvað er. BP-ingar fóru í saumana á þessu máli og treystu á náð almættisins við úttektina, ekki veitti af.

#0233 The Waterboys – A Pagan Place

Fri, 20 Sep 2024 00:01:00 +0000

Á 9. áratugnum fór The Waterboys með leikvangalegum jafnt sem gelískum himinskautum en virðist heldur gleymd í dag. Arnar sneri hjartanu í gang í þætti þessum og svipti upp stóra samhenginu ásamt sínum góðum makkerum, Hauki og Baldri.

#0232 Scorpions – Blackout

Fri, 13 Sep 2024 00:01:00 +0000

Harðjaxlarnir frá Hanover byrjuðu að rokka fyrir rétt tæpum 60 árum og sýna lítil sem engin þreytumerki. Bestuplötuliðar fóru skítkaldir í þetta ferðalag, en niðurstaðan var sú að Blackout frá 1982 væri besta plata Scorpions.

#0231 Frímínútur – Blóðbönd

Fri, 06 Sep 2024 00:01:00 +0000

Endurkoma aldanna, þ.e. hljómsveitarinnar Oasis, er m.a. tilkomin vegna friðarpíputotts hinna alræmdu Gallagherbræðra. Í þessum frímínútum skoðum við skrautlegar rimmur þeirra bræðra í gegnum tíðina og veltum því fyrir okkur hvernig systkinum reiðir af þegar þau vinna saman að tónlist. Er blóð virkilega þykkara en vatn?

#0230 Frímínútur – James Bond

Fri, 30 Aug 2024 00:01:00 +0000

Það má færa rök fyrir því að upphafslög kvikmyndanna um James Bond séu tónlistarstefna í sjálfu sér. Við förum yfir lögin í tímaröð og djúpgreinum fyrirbærið.

#0229 Tina Turner – Private Dancer

Fri, 23 Aug 2024 00:01:00 +0000

Besta plata „rokkömmunnar“ Tinu Turner er hin magnaða endurkomuplata hennar frá 1984, Private Dancer. Þarf eitthvað að ræða það? Jú, auðvitað!

#0228 Lauryn Hill – The Miseducation of Lauryn Hill

Fri, 16 Aug 2024 00:01:00 +0000

Viðfangsefni vikunnar er eina hljóðversplata Lauryn Hill, en hún var á dögunum valin „besta plata sögunnar“ af álitsgjöfum Apple Music — og það er svo sannarlega ekki fyrsti listinn sem hún toppar.

#0227 Frímínútur – Endurhljóðritanir

Fri, 28 Jun 2024 00:01:00 +0000

Hvað fær tónlistarfólk til að endurhljóðrita fyrri verk? Er þetta fólk ekki með öllum mjalla? Við rýnum í þennan umdeilda gjörning í þætti vikunnar, sem einnig vill svo til að er síðasti þáttur fyrir sumarfrí.

#0226 Sting – If On A Winter's Night...

Fri, 21 Jun 2024 00:01:00 +0000

Hver er besta plata Sting? Nú, að sjálfsögðu vetrar- og jólaplatan hans, If on a winter’s night! Þarf að spyrja?

#0225 The Police – Outlandos d'Amour

Fri, 14 Jun 2024 00:01:00 +0000

The Police afrekuðu ótrúlega margt á stuttum tíma og gáfu út fimm hljóðversplötur á árunum 1978–1983, auk þess að eiga mest spilaða lag í sögu útvarps. Haukur stillir frumburði sveitarinnar, Outlandos d'Amour, fram sem bestu plötunni.

#0224 Deftones – White Pony

Fri, 07 Jun 2024 00:01:00 +0000

Við getum rifist fram á þarnæsta ár hvort að Deftones séu nýþungarokkarar eður ei. En getum við sammælst um að White Pony (2000) sé besta plata sveitarinnar? Nei? Ok, kíkjum bara á þáttinn og skoðum rökin …

#0223 Frímínútur – Íslenskur aldamótaharðkjarni

Fri, 31 May 2024 00:01:00 +0000

Undir lok síðustu aldar, í miðjum heimsfaraldri númetals, þá myndaðist á Íslandi þétt sena í kringum nokkrar innlendar harðkjarnasveitir. Bisund hét ein. Spitsign var önnur. Svo kom Mínus. Hratt og örugglega spruttu enn fleiri hljómsveitir upp eins og gorkúlur, sem fullnægðu brýnni mosh-þörf ungdómsins af miklum myndarskap.

#0222 Anthrax – Among the Living

Fri, 24 May 2024 00:01:00 +0000

Það er erfitt að finna þungarokkara sem hefur ekki sterka skoðun á hljómsveitinni Anthrax. Að Among the Living sé besta plata Anthrax er hins vegar engin jaðarskoðun. Það er í raun frekar ófrumlegt val. En platan á það skilið.

#0221 Siouxsie and the Banshees – Juju

Fri, 17 May 2024 00:01:00 +0000

Siouxsie and the Banshees var með helstu og áhrifaríkustu síðpönksveitum og söngkonan Siouxsie Sioux var - og er - gríðarlegt íkon. Tónlistarlega toppaði sveitin á Juju (1981) og um hana og margt fleira mun BP-tríóið ræða í þætti vikunnar.

#0220 Frímínútur – Söngvæn stef úr sjónvarpsþáttum

Fri, 10 May 2024 00:01:00 +0000

Stef og söngvar sem opna vinsæla sjónvarpsþætti er oft sú tónlist sem við þekkjum langbest jafnvel án þess að hafa hugmynd um það. BP-teymið rannsakaði þennan anga dægurtónlistarinnar út í hörgul í stórskemmtilegum þætti!

#0219 The Darkness – One Way Ticket to Hell... and Back

Fri, 03 May 2024 00:01:00 +0000

Grínband með einn smell eða margslungin rokksveit sem verður bara betri með árunum? Haukur setur The Darkness í seinni flokkinn og í þætti vikunnar reynir hann af öllum mætti að sannfæra félaga sína um yfirburði sprellikarlanna frá Suffolk.

#0218 Stuðmenn – Með allt á hreinu

Fri, 26 Apr 2024 00:01:00 +0000

STÓR þáttur. Doktorinn teflir fram tónlistinni við kvikmyndina Með allt á hreinu (1982) sem hápunkti hljómsveitar allra landsmanna™. En hvað með Sumar á Sýrlandi (1975)? Tivoli (1976)? Saman munum við njóta dásemda Bjarmalands kæru fylgjendur, það er morgunljóst!

#0217 Frímínútur – Glæpir

Fri, 19 Apr 2024 00:01:00 +0000

Tónlistarfólk er duglegt við að komast í kast við lögin. Í þætti vikunnar tökum við fyrir nokkra vel valda músíkbófa og spjöllum um glæpi þeirra.

#0216 Talk Talk – Spirit of Eden

Fri, 12 Apr 2024 00:01:00 +0000

Besta plata ensku sveitarinnar Talk Talk, sem leidd var af snillingnum Mark Hollis, er fjórða breiðskifa hennar, Spirit of Eden (1988). Arnar ræðir þessa sveit og samband sitt við hennar í þætti sem er ekki hjartaþáttur heldur taugakerfisþáttur❤🦚

#0215 Leonard Cohen – I'm Your Man

Fri, 05 Apr 2024 00:01:00 +0000

Stórskáldið Leonard Cohen hafði ort sig ofan í brækur menningarvita víða, löngu áður en tónlistarferill hans hófst. Það var síðan á hans 54. aldursári sem hann gaf út sína vinsælustu plötu, I'm Your Man frá 1988.

#0214 Frímínútur – PROGG

Fri, 29 Mar 2024 00:01:00 +0000

Hvað er progg? Arnar leiðir okkur í mikla sannleika um 22 mínútna löng trommusóló, óskiljanlega texta um hinstu rök tilverunnar og þau 457 hljómborð sem Rick Wakeman notaði með Yes.

#0213 Olivia Rodrigo – Sour

Fri, 22 Mar 2024 00:01:00 +0000

Olivia Rodrigo er ein allra stærsta poppstjarna samtímans. Hún skaust fram á sjónarsviðið ung að árum sem leikkona, en 18 ára gömul sendi hún frá sér sína fyrstu hljóðversplötu, Sour frá árinu 2021, sem er hennar besta — hingað til.

#0212 Kreator – Pleasure to Kill

Fri, 15 Mar 2024 00:01:00 +0000

Þýska þrasssveitin Kreator hefur aldrei komist nálægt hinni óviðjafnanlegu Pleasure to Kill (1986) sem telst vera meistaraverk hennar. En sjálfsagt að ræða aðra möguleika. Þó það sé ekki til neins.

#0211 Descendents – Everything Sucks

Fri, 08 Mar 2024 00:01:00 +0000

Ameríska pönkrokksveitin Descendents er umfjöllunarefni þáttarins og það eru tímamót í sögu hans þar sem enginn annar en Baldur gamli Ragnarsson velur sveit og plötu!

#0210 The Stone Roses - The Stone Roses

Fri, 01 Mar 2024 00:01:00 +0000

Frumburður Manchestersveitarinnar The Stone Roses frá 1989 þykir með helstu tímamótaverkum breskrar dægurtónlistar. BP-teymið fór í saumana á málinu með glóprik í einni og gítarfetil í hinni.

#0209 Öldungadeildin: Ríó tríó

Fri, 23 Feb 2024 00:01:00 +0000

Ísland fyrir löngu. Verðbólga. Volgur ilmur af nýsoðinni ýsu. Sandkaka af þurrara taginu. Uppáhellingur úr köflóttum Thermos. Það er verið að lýsa eftir einhverjum í útvarpinu. Fleira er ekki í fréttum. Næsta lag: Ríó tríó.

#0208 Frímínútur – Vegbúar

Fri, 16 Feb 2024 00:01:00 +0000

Hvernig er lífið í tónleikarútunni? Borgar það sig að túra? Hvernig er maturinn? Og eru hljómsveitir alveg hættar að múna út um gluggann?

#0207 The Byrds – Mr. Tambourine Man

Fri, 09 Feb 2024 00:01:00 +0000

Bandaríska hljómsveitin The Byrds er með allra mikilvægustu hljómsveitum sjöunda áratugarins og liggja áhrif hennar víða í dag. Doktorinn stillir frumburði hennar, Mr. Tambourine Man, fram sem bestu hljóðversskífu hennar á meðan aðrir BP-liðar voru á annars konar „svifi“.

#0206 Mercyful Fate – Melissa

Fri, 02 Feb 2024 00:01:00 +0000

Danir eru þekktir fyrir ýmislegt, en þungarokk er ekki endilega eitt af því. Þeir hafa þó átt örfáa afbragðsgóða spretti — og Melissa með Mercyful Fate er einn sá allra besti.

#0205 Frímínútur – Spurt og svarað #2

Fri, 26 Jan 2024 00:01:00 +0000

BP-teymið svarar innsendum spurningum frá hlustendum í annað sinn og hefur gaman af!

#0204 Stevie Wonder – Songs in the Key of Life

Fri, 19 Jan 2024 00:01:00 +0000

Átjánda hljóðversplata Stevie Wonder er í lengra lagi – alls 104 mínútur og 29 sekúndur að lengd. En hún er alls engin hundasamkoma. Þvert á móti, þá er hún besta plata Stevies.

#0203 Grace Jones – Nightclubbing

Fri, 12 Jan 2024 00:01:00 +0000

Hvar skal byrja þegar söng- og listakonan og allra handa táknmyndin Grace Jones á í hlut? Tja, kannski bara með því að renna henni í gegnum þrílaga síuna sem samanstendur af BP-teyminu okkar allra!

#0202 At The Drive-In – Relationship Of Command

Fri, 29 Dec 2023 00:01:00 +0000

El Paso sveitin At The Drive-In var með áhugaverðustu síð-harðkjarnaböndum aldamótanna. Svanasöngur hennar, Relationship Of Command, þykir hennar besta og BP-liðar skröfuðu um hana og skeggræddu af þeirri list sem þeim er töm.

#0201 Dua Lipa – Future Nostalgia

Fri, 22 Dec 2023 00:01:00 +0000

Önnur plata Dua Lipa kemst ansi nálægt því að vera hin fullkomna poppplata. Þegar þetta er skrifað er hún sjötta mest streymda hljómplata í sögu Spotify.

#0200 BP200: Mannheim Steamroller

Fri, 15 Dec 2023 00:01:00 +0000

Það eru tímamót í sögu Bestu plötunnar. Þáttur 200! Úttekt á bandaríska nýaldar- og nýklassíkurfyrirbærinu Mannheim Steamroller lá því beint við.

#0199 Frímínútur – Báran stök

Fri, 08 Dec 2023 00:01:00 +0000

„One hit wonders“ hljómar eins og algjört „fokk, hvað eigum við að tala um?“-umræðuefni, en við nálguðumst málið af okkar landsfrægu fagmennsku og natni. Enda er Besta platan „hlaðvarp fagurkerans“.

#0198 Paradise Lost – One Second

Fri, 01 Dec 2023 00:01:00 +0000

Besta plata ensku þungarokkssveitarinnar Paradise Lost er platan One Second frá árinu 1997. Sitt sýndist sannarlega hverjum hvað þetta val varðaði og ég legg til að fólk spenni beltin áður en ýtt er á „play“.

#0197 Limp Bizkit – Significant Other

Fri, 24 Nov 2023 00:01:00 +0000

Grautlina kexið hans Fred Durst er til umfjöllunar í þætti vikunnar. Hlustið ... og brjótið dót.

#0196 Taylor Swift – Folklore

Fri, 17 Nov 2023 00:01:00 +0000

Vinsældir og áhrif Taylor Swift eru af slíkum toga að erfitt er að ná utan um það í knöppum texta líkt og þessum hér. Við ætlum ekki einu sinni að reyna það.

#0195 Öldungadeildin: Elvis Presley

Fri, 10 Nov 2023 00:01:00 +0000

Víst varstu Elvis, kóngur klár. Í þessum þætti tökum við konung rokksins fyrir, skoðum arfleifðina, eigindin, útgeislunina og orkuna í kringum þetta magnaðasta fyrirbæri dægurmenningarinnar.

#0194 Frímínútur – Öldrun rokksins

Fri, 03 Nov 2023 00:01:00 +0000

Það er nánast ómögulegt að gera fólki til geðs þegar þú ert öldruð rokkstjarna. En hvenær er kominn tími til að hætta?

#0193 Fleetwood Mac – Rumours

Fri, 27 Oct 2023 00:01:00 +0000

Þessi plata Fleetwood Mac, sem doktorinn stillir fram sem hápunkti hennar (engin óvænt útspil hér), er um leið eitt nafntogaðasta verk poppsögunnar. Drama, dóp, skilnaðir og sértrúarsöfnuðir koma við sögu í æsispennandi þætti. Og smá tónlist meira að segja.

#0192 Bjartmar Guðlaugsson – Í fylgd með fullorðnum

Fri, 20 Oct 2023 00:01:00 +0000

Bjartmar Guðlaugsson er fyndinn, sjarmerandi og alveg hryllilega töff. Ferillinn er langur og afurðirnar margar, sem væri svo sem ekkert merkilegt ef þetta væri ekki allt meira og minna gott. En „Í fylgd með fullorðnum“ er best.

#0191 Frímínútur – Hljómfagrir heillagripir

Fri, 13 Oct 2023 00:01:00 +0000

Tónlistarfólkið sem við eigum í ástarsambandi við á svo einatt í ástarsambandi við hljóðfærin sem nýtt eru til að galdra fram ódauðlegar lagasmíðar. Hvaða slaggígjur, trumbur og bassa tekur þetta ágæta fólk með sér upp í rúm? Það kemur allt í ljós í þessum merkisfrímínútum og hver veit? Kannski verður eitt slíkt dregið fram þar og þá?

#0190 Beck – Sea Change

Fri, 06 Oct 2023 00:01:00 +0000

Beck mokaði út hitturum í gegnum næntísið og langt fram á annan áratug þessarar aldar, en það er ástarsorgar–ópusinn Sea Change frá 2002 sem Besta platan stillir fram sem hans bestu.

#0189 Beastie Boys – Check Your Head

Fri, 29 Sep 2023 00:01:00 +0000

Þegar Beastie Boys risu upp úr öskustónni og teygðu sig í hljóðfærin á nýjan leik fæddist meistaraverkið þeirra. Check Your Head er besta plata þessa New York þríeykis en er BP þríeykið sammála um það?

#0188 Cannibal Corpse – A Skeletal Domain

Fri, 22 Sep 2023 00:01:00 +0000

Cannibal Corpse er umdeild sveit. Platan A Skeletal Domain frá 2014 er sú besta að mati Hauks, en það er ekki sjálfgefið að Doktorinn sé sammála.

#0187 Frímínútur – Lógó og lukkudýr

Fri, 15 Sep 2023 00:01:00 +0000

Nú verður litið til þáttar sem er órofa partur af dægurtónlistarmenningu samtímans. Nöfn margra hljómsveita búa yfir stöðluðum leturgerðum og útliti, svokölluðu lógói (AC/DC, Rolling Stones) og sumar hverjar eiga sér meira að segja lukkudýr, Iron Maiden og ófrýnilega forynjan Eddie t.d. Allt þetta verður tekið til kostanna í sennilega myndrænasta þætti BP frá upphafi!

#0186 Babes in Toyland – Fontanelle

Fri, 08 Sep 2023 00:01:00 +0000

Babes in Toyland túruðu með öllum stærstu nöfnum alternative-rokksins í næntísinu og hefðu svo sannarlega getað náð lengra en þær gerðu, en eitthvað klikkaði. Já, saga þessa hávaðasama pönktríós frá Minneapolis er hálfgerð sorgarsaga, en þó með stórum sigrum inni á milli. Ekki síst persónulegum.

#0185 The Stranglers – Black And White

Fri, 01 Sep 2023 00:01:00 +0000

The Stranglers er ein mikilhæfasta rokksveit sögunnar. Íslandsvinir, grallarar, myrkramenn, mögulega pönkarar? Doktorinn teflir þriðju plötu sveitarinnar fram sem hennar bestu hvar þeir náðu hinum „sæta stað“ en sitt sýnist hverjum náttúrulega.

#0184 Frímínútur – Hittaramokstursvélin Diane Warren

Fri, 25 Aug 2023 00:01:00 +0000

Diane Warren hefur komið 32 lögum á topp 10 í Bandaríkjunum, þar af 9 lögum í efsta sæti. Hún hefur verið tilnefnd 14 sinnum til Óskarsverðlauna, hlotið heiðursóskar, auk þess að hafa unnið Grammy, Emmy og tvenn Golden Globe-verðlaun. En hver er þessi dularfulla kona?

#0183 Lionel Richie – Can’t Slow Down

Fri, 18 Aug 2023 00:01:00 +0000

Fáir voru jafn öflugir í smellasmíðinni á níunda áratugnum og okkar allra besti maður, Lionel gamli Richie. Önnur sólóplata hans, Can’t Slow Down (1983), er troðfull af slíkum en stendur hún keik sem hans besta? BP-teymið skellti á sig mottum og rýndi í þetta álitamál.

#0182 Ozzy Osbourne – The Ultimate Sin

Fri, 11 Aug 2023 00:01:00 +0000

Sabbath voru afgreiddir í þætti #33 á „öld Bibbans“, en nú er komið að framhaldssögunni: sólóferli Ozzy Osbourne.

#0181 Frímínútur – Gervigreind í tónlist

Fri, 04 Aug 2023 00:01:00 +0000

Gervigreind. Mun hún hjálpa okkur að búa til betri músík? Eða tortíma tónlist eins og við þekkjum hana?

#0180 Frímínútur – Tónlistarhátíðir

Fri, 30 Jun 2023 00:01:00 +0000

Tónlistarhátíðir eru í fullum gangi um sumarmál og síðustu helgi lauk einni frægustu þeirra, Glastonbury. Tímasetningin til að fara yfir þennan geira popp- og rokkmenningarinnar er því fullkomin!

#0179 My Bloody Valentine – Isn’t Anything

Fri, 23 Jun 2023 00:01:00 +0000

Hin írsk-enska sveit My Bloody Valentine er óhikað með áhrifamestu neðanjarðarsveitum allra tíma. Doktorinn sveiflar dúskinum af krafti og teflir hiklaust fram breiðskífu sveitarinnar frá 1988, Isn’t Anything, sem hennar bestu en bæði makker og upptökustjóri hafa margt til mála að leggja í þessu snúna máli.

#0178 Huey Lewis and the News – Sports

Fri, 16 Jun 2023 00:01:00 +0000

Íslenska sumarveðrið í ár hefur valdið vonbrigðum til þessa, en hér er meðalið. Með Huey Lewis í eyrunum eru nefnilega allir dagar sólardagar.

#0177 Frímínútur - Álitamál: Tónlistargagnrýni fyrr og nú

Fri, 09 Jun 2023 00:01:00 +0000

Í þetta sinnið var hinn opni vettvangur frímínútnanna nýttur undir pælingar um tónlistargagnrýni. Hvað er hún, hvernig er hún og hvaða tilgangi þjónar hún? Ágætlega var mannað í setti þar sem fóru tveir tónlistarmenn og einn tónlistargagnrýnandi, gersamlega hokinn af reynslu.

#0176 Manowar – Kings of Metal

Fri, 02 Jun 2023 00:01:00 +0000

Falsmálmurinn er fjarri góðu gamni í þætti vikunnar, þar sem fjallað er um bandarísku stórsveitina Manowar. Athugið að þátturinn spilast eingöngu á 10.

#0175 Sinéad O’Connor - The Lion and the Cobra

Fri, 26 May 2023 00:01:00 +0000

Frumburður Sinéad O’Connor frá árinu 1987 vakti gríðarlega athygli á þessari írsku söngkonu og er sú plata hennar sem doktorinn stillir fram sem hennar bestu. Að öðru leyti fór teymið á djúpið í vangaveltum um mikilvægi þessarar mjög svo áhrifaríku tónlistarkonu.

#0174 Elton John – Goodbye Yellow Brick Road

Fri, 19 May 2023 00:01:00 +0000

„Kubbinn“ þarf vart að kynna. Ekki bestu plötuna hans heldur. Hlustið bara og njótið.

#0173 The Replacements – Let it Be

Fri, 12 May 2023 00:01:00 +0000

Mikil költaðdáun fylgir bandarísku neðanjarðarrokksveitinni The Replacements sem tók drjúgan þátt í að kollvarpa tónlistarlandslagi níunda áratugarins. Haukur Viðar teflir fram þessari plötu hennar frá 1984 sem hápunkti meðfram því sem hann og félagar hans grennslast ærlega fyrir um áhrif þessarar merkissveitar.

#0172 Frímínútur – Hin efri ár Metallica

Fri, 05 May 2023 00:01:00 +0000

Það er löngu búið að taka fyrir bestu plötu Metallica, en við vildum skoða aðeins „seinni hálfleikinn“ í tilefni af útgáfu nýju plötunnar.

#0171 Frímínútur – Besta yfirskeggið

Fri, 28 Apr 2023 00:01:00 +0000

Tónlist er nótur og hljómar en líka framsetning, stíll, sjarmi og holning. Í þessum frímínútum förum við ofan í rótina á bestu yfirskeggjum poppsögunnar. Já, þú last rétt!

#0170 Fear Factory – Demanufacture

Fri, 21 Apr 2023 00:01:00 +0000

Kaliforníusveitin Fear Factory kom eins og stafrænn stormsveipur inn í miðjan 10. áratuginn með sérstakri blöndu sinni af melódísku þungarokki og dynjandi teknói. Platan Demanufacture frá árinu 1995 er til umfjöllunar hér, enda besta plata Fear Factory.

#0169 Suede - Suede

Fri, 14 Apr 2023 00:01:00 +0000

Breska sveitin Suede tekin til kostana og hún skoðuð í krók og kima. Stóra samhengið, lagasmíðahápunktar, drama og allur pakkinn!!

#0168 Frímínútur – Íslensk sönglög 1940–1960

Fri, 07 Apr 2023 00:01:00 +0000

Sveitarómatíkin svífur yfir vötnum í þætti vikunnar, þar sem tímabilið frá sirka stríðslokum og fram að bítlinu er tekið fyrir. Upp með söngbækurnar!

#0167 aha - Scoundrel Days

Fri, 31 Mar 2023 00:01:00 +0000

Norska eitíssveitin a-ha fór með himinskautum árin 1985 - 1988 og dældi út smellum linnulaust. En var eitthvað meira í gangi en “Take on Me” sem Haukur segir að kjarni níunda áratuginn í tónlist fullkomlega? Eru þetta einsmellungar eða þrettán-smellungar? BP-teymið lagðist í rannsóknir…

#0166 Öldungadeildin: Billie Holiday

Fri, 24 Mar 2023 00:01:00 +0000

Djassgoðsögnin Billie Holiday lifði í 44 frekar nöturleg ár, en á þeim stutta tíma afrekaði hún meira en flestir. Hún gaf að vísu ekki út LP-plötur fyrr en undir lok ferilsins, en það er um nóg annað að tala.

#0165 Frímínútur – Spurt og svarað

Fri, 03 Mar 2023 00:01:00 +0000

Við kölluðum eftir spurningum úr sal og fengum þær. Hér eru svörin!

#0164 Celtic Frost – To Mega Therion

Fri, 24 Feb 2023 00:01:00 +0000

Tvær áhrifaríkustu þungarokkssveitir allra tíma eru Black Sabbath og Celtic Frost. Besta platan hefur þegar farið í saumana á Black Sabbath en nú er það svissneska sveitin Celtic Frost sem feðraði nærfellt allt öfgarokk samtímans. Doktorinn teflir fram To Mega Therion (1985) sem hátindi sveitarinnar en auk þess velta þeir félagar fyrir sér mótunarárum hinna ýmsu öfgarokksstefna (e. extreme metal) á árabilinu 1984 - 1987.

#0163 Tom Waits – Swordfishtrombones

Fri, 17 Feb 2023 00:01:00 +0000

Tom Waits er skrítin skrúfa, sem er í guðatölu hjá enn skrítnari skrúfum. Platan Swordfishtrombones frá 1983 varð ofan á hjá Hauki, en það var hnífjafnt í efstu sætum framan af. Afsakið biðina.

#0162 Frímínútur – Út vil ek

Fri, 10 Feb 2023 00:01:00 +0000

Í þessum frímínútum - sem voru teknar upp í miklum kvöldúlfsham - hallar þríeykið sér aftur, gæðir sér á Conga-bitum og sýpur á kamillutei. Eftir þétta upptökulotu var ákveðið að pæla aðeins í hinni íslensku tónlistarútrás sem á sér langa og áhugaverða sögu. Frá Thor’s Hammer til Árnýjar Margrétar, allar þessar þreifingar eru varðaðar sigrum jafnt sem sorgum í mismunandi mæli. Hvað þarftu að hafa klárt? Hvernig ætlarðu að plana þig? Eða var bara vaðið af stað?

#0161 The Decemberists – The Crane Wife

Fri, 03 Feb 2023 00:01:00 +0000

Indie-uppskafningarnir í The Decemberists voru iðnir við kolann á fyrsta áratug þessarar aldar, stefndu í að verða risaband, en náðu því aldrei almennilega. Það vill svo til að Haukur tilheyrir sértrúarsöfnuðinum í kringum sveitina og tilnefnir hann fjórðu plötuna, The Crane Wife frá 2006, sem þeirra bestu.

#0160 Jet Black Joe – Jet Black Joe

Fri, 27 Jan 2023 00:01:00 +0000

Rokksveitin Jet Black Joe spratt fullsköpuð úr höfði Seifs sumarið 1992 og fyllti ljósvakabylgjurnar með glæsismíðinni „Rain“. Frumburður hennar kom út þá um haustið og teflir doktorinn henni fram sem bestu plötu sveitarinnar.

#0159 Frímínútur – Út á gólfið

Fri, 20 Jan 2023 00:01:00 +0000

Vínarborg í upphafi 19. aldar. Ljósakrónur, pípuhattar, púðruð andlit ... og mjög mikið af kynsjúkdómum.

#0158 Death – Spiritual Healing

Fri, 13 Jan 2023 00:01:00 +0000

Dauðarokkssveitin Death frá Florida, leidd af höfuðsnillingnum Chuck Schuldiner, er ein allra áhrifamesta sveit af þeim toganum. Schuldiner var sannur brautryðjandi þessa tónlistarforms sem reist hæst á árabilinu 1988 - 1993. Doktorinn telur þriðju breiðskífu hennar, Spiritual Healing (1990), vera hennar bestu og var sæmilega tekist á um þetta athyglisverða val.

#0157 Dolly Parton – Jolene

Fri, 06 Jan 2023 00:01:00 +0000

Dolly Parton hefur gefið út 65 stúdíóplötur, þar af 48 sólóplötur. Það er því óðs manns æði að reyna að finna út úr því hvaða plata er raunverulega best. Við gerðum heiðarlega tilraun til þess, en stærsta áskorunin var að ná utan um heildarmyndina, því Dolly Parton er ekki bara stór biti. Dolly Parton er flugmóðuskip!

#0156 Frímínútur – Leðri sveipuð ljúflingslög

Fri, 11 Nov 2022 00:01:00 +0000

Rokkballöður. Æðsta listformið? Eða kannski bara fíflagangur? Besta platan skoðaði fyrirbærið ofan í kjöl — og bjó til lista!

#0155 Genesis – Trick Of The Tail

Fri, 04 Nov 2022 00:01:00 +0000

Genesis er óneitanlega eitt af stærstu nöfnunum í popp/rokkheimum og ferill hennar æði fjölvíður. Doktorinn tefldi fram fyrstu plötunni sem út kom eftir að Peter Gabriel hafði sagt skilið við bandið sem hápunkti en þar heldur Phil nokkur Collins í fyrsta sinn um hljóðnemann. Umdeilt val, sannarlega.

#0154 Karate – Some Boots

Fri, 28 Oct 2022 00:01:00 +0000

Karate er mögulega „gleymd“ hljómsveit. Hún starfaði vel úti á jaðrinum alla sína tíð, þar til hún var lögð niður árið 2005. En hún er komin aftur á stjá og því er vel við hæfi að skoða þetta aðeins.

#0153 Frímínútur – Bítlabörnin

Fri, 21 Oct 2022 00:01:00 +0000

Þið kannist mögulega við Bítlana, en hversu vel þekkið þið börnin þeirra? Besta platan fór aðeins yfir þennan fríða barnaskara og afrek hans á tónlistarsviðinu.

#0152 XXX Rottweilerhundar – XXX Rottweilerhundar

Fri, 14 Oct 2022 00:01:00 +0000

S02E52